| e-texts navigator |
| Wylie |
227b1 པའི་སེམས་ཉིད་ལ།། ཞི་གནས་ལྷག་མཐོང་རང་ཤར་བས།། མཉམ་པར་བཞག་དང་རྗེས་སུ་ནི།། མི་གཡོ་བསམ་གཏན་ཆེན་པོར་རྫོགས།། བལྟ་རུ་ཡོད་པའི་སེམས་ཉིད་ལ།། སྣང་སྲིད་གཅིག་པར་རང་ཤར
227b2 བས།། ཁམས་གསུམ་རང་སར་གྲོལ་བ་ནི།། ཨ་ཏི་རང་བཞིན་ཆེན་པོར་རྫོགས།། སྤྱོད་དུ་ཡོད་པའི་སེམས་ཉིད་ལ།། བྱ་བྱེད་རྣམས་ནི་རང་ཤར་བས།། སྣང་བ་རང་འཛིན་ཆ་ནས་ནི།། སེམས་ཉིད་བརྟུལ་ཤུགས་སྣ
227b3 ཚོགས་རྫོགས།། ཐོབ་ཏུ་ཡོད་པའི་སེམས་ཉིད་ལ།། རེ་བ་ཉིད་དག་རང་སྣང་བས།། རྩལ་བསྒྲུབ་རྣམས་དང་བྲལ་བར་ནི།། སྐུ་གསུམ་རང་ལ་ལོག་པར་རྫོགས།། བགྲང་དུ་ཡོད་པའི་སེམས་ཉིད་ལ།། ཐེག་པ་སོ་སོར
227b4 རང་ཤར་བས།། འདོད་རྒྱལ་ཡིད་དཔྱོད་མིན་པར་ནི།། སྙིང་པོ་ཡང་གསང་ཆེན་པོར་རྫོགས།། དམིགས་སུ་ཡོད་པའི་སེམས་ཉིད་ལ།། སྣང་བ་སྣ་ཚོགས་རང་ཤར་ཏེ།། མིང་དང་ཁ་དོག་སོ་སོར་ནི།། གཟུགས་སྐུ་རྣམ
227b5 པ་གཉིས་སུ་རྫོགས།། དཔག་ཏུ་ཡོད་པའི་སེམས་ཉིད་ལ།། སྣང་བའི་ཡུལ་ལ་རང་ཤར་ཏེ།། གཏན་པའི་ས་ཉིད་རང་སྣང་བར།། དམིགས་པའི་རྟེན་དང་བཅས་པར་རྫོགས།། བསྒྲག་ཏུ་ཡོད་པའི་སེམས་ཉིད
227b6 ལ།། ངོ་མཚར་ཚིག་ཀུན་རང་ཤར་བས།། བརྗོད་བྱ་ཀུན་གྱི་གཞི་མར་ནི།། སྟོན་པའི་ཚིག་དང་བཅས་པར་རྫོགས།། བཞག་ཏུ་ཡོད་པའི་སེམས་ཉིད་ལ།། སྣང་བ་རང་བཞག་གཞིར་ཤར་བས།། ཅོག་བཞག་ཆེན་པོའི
iiif viewer powered by OpenSeadragon
