| e-texts navigator |
| Wylie |
227a1 གྱིས་ང་ལ་ཉོན།། ཡོད་པ་རྣམས་ནི་འདི་ལྟ་སྟེ།། སྐྱེ་བ་ཡོད་པའི་སེམས་ཉིད་ལ། འདི་དག་རྣམས་རིག་པའི་རྩལ་དུ་བསྟན།། འགྲོ་དྲུག་སྣང་བ་རང་ཤར་པས།། ཐ་དད་གཟུགས་རྣམས་འཛིན་པར་ནི།། སྣང་བ
227a2 གཟུགས་སུ་སྨིན་པར་རྫོགས།། འགག་པ་ཡོད་པའི་སེམས་ཉིད་ལ།། མི་རྟག་རྒྱུ་རུ་རང་ཤར་བས།། རང་བཞིན་མེད་པའི་སྣང་བར་ནི།། དཔེ་ན་རྨི་ལམ་བཞིན་དུ་རྫོགས།། སྤྲོས་པ་ཡོད་པའི་སེམས་ཉིད་ལ།། སྣ
227a3 ཚོགས་སྣང་བ་རང་ཤར་བས།། སྒོ་ལྔ་སོ་སོར་སྣང་བ་ན།། རང་ས་བཟུང་བའི་ཆ་ནས་རྫོགས།། བསྟན་དུ་ཡོད་པའི་སེམས་ཉིད་ལ།། སྒྲ་ཚིག་མིང་རྣམས་རང་ཤར་བས།། ཐ་སྙད་བློ་རྣམས་རང་དག་པར།། བླ་མའི
227a4 མན་ངག་གསང་བ་རྫོགས།། མཐོང་དུ་ཡོད་པའི་སེམས་ཉིད་ལ།། འབྱུང་རྐྱེན་དུ་མ་རང་ཤར་བས།། སྣང་བའི་ཡུལ་ལ་མངོན་དུ་ནི།། མ་འདྲེས་རང་གསལ་ཉིད་དུ་རྫོགས།། རྒྱུན་དུ་ཡོད་པའི་སེམས་ཉིད་ལ།། སྣང
227a5 བཔབའི་ཕུང་པོ་སོ་སོར་ཤར།། ཟུང་འཇུག་ཆེན་པོར་རང་འབྲེལ་པར།། མི་བརྗེད་གཟུངས་དང་ལྡན་པར་རྫོགས།། ཡུལ་དུ་ཡོད་པའི་སེམས་ཉིད་ལ།། སྣང་བ་རྣམས་ནི་རང་ཤར་བས།། བདག་འཛིན་གཉིས་པོ་རང་དག
227a6 པར།། ཡུལ་དྲུག་རྣམས་ནི་སོ་སོར་རྫོགས།། བརྗོད་དུ་ཡོད་པའི་སེམས་ཉིད་ལ།། རྒྱུད་དང་ལུང་དང་མན་ངག་ནི།། གཅིག་ལ་གཅིག་བརྟེན་གཅིག་པར་ནི།། གྲུབ་པའི་མཐའ་དང་བཅས་པར་རྫོགས།། བསྒོམ་དུ་ཡོད
iiif viewer powered by OpenSeadragon
