| e-texts navigator |
| Wylie |
226b1 དགོངས་པ་ཞེས།། ཀུན་ཏུ་བཟང་པོ་ང་ཡིས་བསྟན།། རྟག་ཆད་མེད་པའི་སེམས་ཉིད་ལ།། བཟང་ངན་མེད་པའི་སྣང་བ་ནི།། སྤང་བླང་བྲལ་བའི་དགོངས་པ་ཞེས།། ཀུན་ཏུ་བཟང་པོ་ང་ཡིས་བསྟན།། བླང་དོར་མེད
226b2 པའི་སེམས་ཉིད་ལ།། ཕྱོགས་མེད་རང་གྲོལ་སྣང་བ་ནི། ཁྱབ་གདལ་ཆེན་པོའི་དགོངས་པ་ཞེས།། ཀུན་ཏུ་བཟང་པོ་ང་ཡིས་བསྟན།། བྱིང་རྒོད་མེད་པའི་སེམས་ཉིད་ལ།། བཏང་སྙོམས་ཆེན་པོའི་བསྒོམ་པ
226b3 ནི།། ཚོགས་དྲུག་ལྷུག་པའི་དགོངས་པ་ཞེས།། ཀུན་ཏུ་བཟང་པོ་ང་ཡིས་བསྟན།། ཡང་མེད་པའི་སེམས་ཉིད་ལ།། རེ་དོགས་བྲལ་བའི་སྣང་བ་ནི།། ཡེ་བཞག་གདེང་ལྡན་དགོངས་པ་ཞེས།། ཀུན་ཏུ་བཟང་པོ་ང་ཡིས
226b4 བསྟན།། སྣང་ཆ་མེད་པའི་སེམས་ཉིད་ལ།། ཉག་གཅིག་ཆ་ཕྲའི་སྣང་བ་ནི།། སྤྲོས་བྲལ་ཆེན་པོའི་དགོངས་པ་ཞེས།། ཀུན་ཏུ་བཟང་པོ་ང་ཡིས་བསྟན།། དེ་ལྟར་རང་དངས་དགོངས་པ་རུ།། སེམས་ཀྱང་གཏན་ལ་ཕབ
226b5 པ་ཡིས།། རྣལ་འབྱོར་སེམས་ལ་རང་དབང་ཐོབ།། དྲི་མ་བཅིངས་པ་ལས་གྲོལ་བའོ།། དེ་ནས་བྱང་ཆུབ་སེམས་དཔའ་ནི།། འོད་ཟེར་ཀུན་ཏུ་མཐའ་ཡས་པས།། སྟོན་པ་ཀུན་ཏུ་བཟང་པོ་ལ།། འདི་སྐད་ཚིག་གིས་ཡང
226b6 ཞུས་སོ།། ཀྱེ་ཀྱེ་སྟོན་པ་ཀུན་ཏུ་བཟང་།། མེད་པའི་སེམས་ཉིད་དེ་ལྟར་ན།། ཡོད་པའི་སེམས་ཉིད་ཅི་ལྟར་ལགས།། འདི་དག་བདག་ལ་བཀའ་སྩོལ་ཅིག། སྟོན་པས་གསུངས་པ་སེམས་དཔའ་ཆེ།། ང་ཡིས་བསྟན
iiif viewer powered by OpenSeadragon
