| e-texts navigator |
| Wylie |
225b1 ཀྱིས་མཆོད། མ་གླེངས་པའི་ཚིག་འདི་སྐད་ཅེས་གསོལ་ཏོ།། ཀྱེ་སྟོན་པ་ཀུན་ཏུ་བཟང་པོ་ལགས། འགྲོ་བ་རིགས་དྲུག་གིས་བསྡུས་པའི་སེམས་ཅན་རྣམས་ལ། སེམས་ཉིད་ཅེས་པ་ཅི་ལྟ་བུ་ལགས། འདི་བདག་གིས
225b2 མ་འཚལ་ན། སྟོན་པས་གསུང་དུ་གསོལ། དེ་ནས་སྟོན་པ་ཀུན་ཏུ་བཟང་པོ་ཏིང་ངེ་འཛིན་ལས་བཞེངས་ནས། འཁོར་རྣམས་ཀྱི་ནང་དུ་འདི་སྐད་དུ་བསྒྲགས་སོ།། ཀྱེ་འོད་ཟེར་ཀུན་ནས་མཐའ་ཡས་པའི་བྱང་ཆུབ
225b3 སེམས་དཔའ། འཁོར་འདི་དག་གི་ནང་དུ་ངས་སེང་གེའི་སྒྲ་བསྒྲགས་གིས། ཁྱོད་ལ་སོགས་པ་དབང་པོ་རབ་ཏུ་དང་བས་ཉོན་ཅིག། སེམས་སུ་གཏན་ལ་ཕེབས་ནས་བསྟན་པ་རིགས་དྲུག་གི་སེམས་ཅན་ལ་སོགས་པ་འདི་དག
225b4 རྣམས་ནི་སེམས་ཀྱིས་བསྡུས་པས་ན། སེམས་ཅན་ཞེས་ལུས་ལ་ཚིག་ཐམས་ཅད་དུ་འབྱུང་བའོ།། བྱང་ཆུབ་སེམས་དཔའ་ཁྱོད་སེམས་ལ་རྣམ་པར་དད་ན་འདི་ལྟར་ཡིད་ལ་ཟུང་ཞིག། མཉམ་པར་གནས་པའི་སེམས
225b5 ཉིད་ལ། ཁྱབ་གདལ་ཆེན་པོའི་ཡུལ་སྣང་བས།། གཉིས་མེད་སྣང་བ་དེ་འབྲེལ་ཞེས།། ཀུན་ཏུ་བཟང་པོ་ང་ཡིས་བསྟན།། མཚན་མ་མེད་པའི་སེམས་འདི་ཀུན་རིག་པའི་ཡོན་ཏན་འཆར་ཚུལ་དུ་བསྟན་སེམས་ཉིད་ལ།། ཆོས་རྣམས
225b6 གྲངས་སུ་སྣང་བ་ནི།། རང་གྲོལ་གཉིས་མེད་ཅེས་བྱའོ།། ཀུན་ཏུ་བཟང་པོ་ང་ཡིས་བསྟན།། བརྗོད་དུ་མེད་པའི་སེམས་ཉིད་ལ།། གླེང་གཞི་བྲལ་བའི་ཚིག་སྣང་བ།། སྨྲ་བསམ་ཡུལ་ལས་འདས་པ་ཞེས།། ཀུན་ཏུ
iiif viewer powered by OpenSeadragon
