| e-texts navigator |
| Wylie |
225a1 པའི་སྐྱེས་བུ་ནི། སྐད་ཅིག་ལ། འཕགས་པ་རྣམས་དང་རྫུ་འཕྲུལ་མཉམ། འདས་པའི།། སངས་རྒྱས་རྣམས་ཀྱིས་གསུངས་པའོ།། ངས་ནི་འདི་ཀུན་ཡང་ཕྱེ་བར།། ཚིག་གིས་རྣམ་པར་མཚོན་ནས་ནི།། ཡང་དག
225a2 གསང་བའི་དོན་རྣམས་སུ།། གཞུང་དུ་རྣམ་པར་བཀོད་ནས་བསྟན།། འདི་ལ་འབྲས་བུ་སུས་འདྲིས་པ།། རྣལ་འབྱོར་རྣམས་ཀྱི་རྣལ་འབྱོར་རོ།། ཞེས་ཀུན་ཏུ་བཟང་པོ་ཀློང་དྲུག་པ་གསང་བའི་རྒྱུད་ཆེན་པོ་ལས། ཆོས
225a3 ཉིད་ཐམས་ཅད་གཏན་ལ་ཕབ་པའི་ཀློང་ཞེས་བྱ་སྟེ་གཉིས་པའོ།། ཟ་རྒ་ན་ག་ཟ་ཟ་ཙ། རྫོགས་སོ།། །། ལྷ་མིན་རྣམས་གནས་སུ་དག་པར་བྱེད་པའི་སྐབས་ཏེ་གཉིས་པའོ།། །། དེ་ནས་ཡང་སྟོན་པ
225a4 ཀུན་ཏུ་བཟང་པོ་ཉིད། ཆོས་ཉིད་སྒྱུ་མ་རབ་ཏུ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞལ་འཛུམ་པ་མཛད་པས། ཞལ་གྱི་སྒོ་ལ་སོགས་པ་ནས་འོད་ཟེར་སྟོང་ཕྲག་དཔག་ཏུ་མེད་པ་འཕྲོས་ནས།
225a5 སངས་རྒྱས་དང་བྱང་ཆུབ་སེམས་དཔའ་དང་ཉན་ཐོས་དང་རང་སངས་རྒྱས་དང་། ལྷ་དང་། མི་དང་། ལྷ་མ་ཡིན་དང་། མཁའ་འགྲོ་མ་ལ་སོགས་པ་རྣམས་ཀྱི། ཡིད་ཀྱི་རྟོག་པ་རྣམ་པར་སྦྱངས་སོ།། དེ་ནས་འཁོར་དེ
225a6 དག་གི་ནང་ནས། བྱང་ཆུབ་སེམས་དཔའ་སེམས་དཔའ་ཆེན་པོ། འོད་ཟེར་ཀུན་འདུས་མཐའ་ཡས་པ་ཞེས་བྱ་བ་ལངས་ཏེ། བླ་གོས་ཕྲག་པ་ལ་གཟར་ཏེ། སྟོན་པ་ཀུན་ཏུ་བཟང་པོ་ལ་མ་ཆགས་པའི་མཆོད་པ་རྣམས
iiif viewer powered by OpenSeadragon
