| e-texts navigator |
| Wylie |
214b1 མཉམ་པ་ཉིད་དུ་རྟོགས་པའི་རྣལ་འབྱོར་པ་ཞེས་བྱའོ།། འདས་པའི་འདོད་ཆགས་ཉིད་སྔར་གྱི་མཛའ་སྡུག་ལ་སེམས་མི་ཕང་སུན་ཕྱུང་། མ་འོངས་པའི་འདོད་ཆགས་རྣམས་བཙལ་བའི་བསམ་པ་མི་ཟ་ཞེ་བཅད། ད་ལྟར་གྱི་ཆགས་མེད
214b2 རང་གྲོལ་དུ་འདོད་ཆགས་རྣམས་ཡུལ་ཕྱུང་བ་ནི། དུས་གསུམ་མཉམ་པ་ཉིད་ཀྱི་རྣལ་འབྱོར་པ་ཡིན་ནོ།། འདས་པའི་སྔར་འགྲས་པའི་མི་ལ་གནོད་མི་བྱ་ཕྲག་དོག་ལ་དམ་དུ་མ་བཟུང་། མ་འོངས་པའི་ཕྲག་དོག་ལ་མ་འགྲས
214b3 པའི་སེམས་ཅན་ལ་གནོད་མི་བྱ་སེམས་མ་བསྡུ། ད་ལྟར་གྱི་ཕྲག་དོག་ལ་ཟད་ཀའི་སྣང་བ་ཐམས་ཅད་གྲོགས་སུ་འཁྱེར་སེམས་མ་བཅུག་པ་ནི། དུས་གསུམ་མཉམ་པ་ཉིད་དུ་རྟོགས་པའི་རྣལ་འབྱོར་པས། འཁོར་འདས་གཉིས་མེད་དུ
214b4 རྟོགས་པའི་རྣལ་འབྱོར་པ་ཆེན་པོ་ཞེས་བྱའོ།། སེམས་དཔའ་ཆེན་པོ་མྱ་ངན་ལས་པའི་གཞི་ཟང་ཐལ་དུ་རྟོགས་པའི་རྣལ་འབྱོར་པ་ནི། ང་ཀུན་ཏུ་བཟང་པོ་ཆོས་ཐམས་ཅད་ཀྱི་བྱུང་ཁུངས་སུ་བྱུང་བ་སྟེ། འདས་པའི་ཐོག
214b5 མའི་གཞི་རྩད་བཅད་སྐུ་གསུམ་ལ་སྣ་གཏད། མ་འོངས་པའི་བར་དོ་ལ་གོམས་པར་བྱ་སྐུ་གསུམ་ལ་རྒྱབ་བརྟེན། ད་ལྟར་གྱི་སྐུ་གསུམ་ལ་ཉམས་སུ་བླང་ལོངས་སྤྱོད་པ་ནི། སངས་རྒྱས་རྣམས་ཀྱི་འབྲས་བུ་མངོན་དུ་བྱས་པ་སྟེ།
214b6 དུས་གསུམ་མཉམ་པ་ཉིད་དུ་ཡེ་ནས་གནས་པ་ཞེས་བྱའོ།། འདས་པའི་ཡེ་ཤེས་ལྔ་ལ་གཞི་བཅའ། ལྷུན་གྱི་གྲུབ་པའི་ཡོན་ཏན་འཆར་ཚུལ་བསྟན་མ་འོངས་པའི་ཡེ་ཤེས་ལྔ་ལ་ལོངས་སྐུའི་ཡེ་ཤེས་བཞི་ལ་ལམ་སྦྱང་། རྩེ་མོ་གཏད། ད
iiif viewer powered by OpenSeadragon
