| e-texts navigator |
| Wylie |
213b1 བདག་ཆེན་དབྱིངས་ལ་པོ་ཞེས་བྱ་བར་གྱུར་ཏོ།། འོད་ཟེར་ཀུན་འདུས་ཀྱིས་འདི་སྐད་ཅེས་གསོལ་ཏོ།། ཀྱེ་སྟོན་པ་ཀུན་ཏུ་བཟང་པོ། དུས་གསུམ་མཉམ་པ་ཉིད་ཅེས་བགྱི་བ་གང་ལ་གསུངས་པ་ལགས། འདི་བདག་ལ
213b2 གསུང་དུ་གསོལ། དེ་ནས་སྟོན་པ་ཀུན་ཏུ་བཟང་པོས་བཀའ་སྩལ་པ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཟེར་ཀུན་འདུས་ཁྱོད་ཉོན་ཅིག། སྐྱེས་བུ་གང་གིས་འདས་པའི་རྗེས་མ་བཟུང་།
213b3 མ་འོངས་པའི་སྔོན་མ[:]ཕྱིས་ཀྱི་ཞེན་པ་བསླངས། ད་ལྷའི་ཤེས་པ་རང་སོ་ལ་ཅོག་བཞག་ཏུ་བཞག་ན། ཤེས་པ་ཐམས་ཅད་སྔ་ཕྱི་མེད་འདུ་ཤེས་གཅིག་པས་པར་འདྲེས་ནས། གཅིག་འདུས་ངོ་བོ་རྩེ་གཅིག་ཅེས་བྱ་སྟེ། དུས
213b4 གསུམ་མཉམ་པ་ཉིད་དུ་རྟོགས་པའི་རྣལ་འབྱོར་རོ།། ཡང་འདས་པའི་བག་ཆགས་རྣམས་ཀྱི་རྨི་ལམ་གྱི་གནད་རྗེས་སུ་མ་འབྲངས། ཕྱིས་འབྱུང་བག་གཉིད་ཀྱི་གནད་ཆགས་རྣམས་ཀྱི་སྔོན་མ་བསུ། ད་ལྟར་གྱི་བག་ཆགས
213b5 རྣམས་རྒྱུད་ལ་མ་བརྟེན་པ་ནི། བབས་ཀྱི་གནད་དུས་གསུམ་མཉམ་པ་ཉིད་དུ་རིག་པའི་རྣལ་འབྱོར་པ་ཞེས་བྱའོ།། འདུ་ཤེས་གཅིག་པར་རང་དག་ཏུ། དྲན་པ་རང་ཟད་ཀྱི་ཐབས་ཀྱིས་འཁོར་འདས་གཉིས་མེད་དུ་བསྲེ་བ་སྟེ།
213b6 འདས་པའི་དྲན་པ་རྣམས་མཚམས་བཅད་པ་དང་། མ་འོངས་པའི་དྲན་པ་རྣམས་མི་འགྲུབ་པའི་བསམ་པ་རྒྱ་ཆེན་པོ་མི་བྱ་མགོ་མནན་པ་སེམས་ཚེ་ཆད་དང་། ད་ལྟར་གྱི་དྲན་པ་རྣམས་རང་ཡལ་དུ་བཏང་བ་ནི། དུས་གསུམ
iiif viewer powered by OpenSeadragon
