| e-texts navigator |
| Wylie |
213a1 མངོན་དུ་སྣང་།། ཆོས་ཀྱིས་ཆོས་སྐྱེ་བལྟ་ཡིས་རྣམས་མི་མཐོང་བས།། ང་རིག་པ་ལ་མཐོང་བའི་ཡུལ་མེད་དོ།། ཀྱེ་སེམས་དཔའ་ཆེན་པོ། དངོས་པོ་ཐམས་ཅད་ཀུན་ཏུ་བཟང་པོའི་རོལ་པ་ཡིན་ནོ།། སྣང
213a2 བ་ཐམས་ཅད་ནི་ཀུན་ཏུ་བཟང་པོའི་མཛད་པ་ཡིན་ནོ།། སྟོང་པ་ཐམས་ཅད་ནི་ཀུན་ཏུ་བཟང་པོའི་ཡུལ་ཡིན་ནོ།། དེའི་ཕྱི་ན་སངས་རྒྱས་ཀུན་ཏུ་བཟང་པོ་ངས་ཕྱོགས་ཐམས་ཅད་དུ་མཛད་པ་མེད་པའི་ཕྲིན་ལས་ཀྱིས
213a3 འགྲོ་བ་རྣམས་གཉིས་སུ་མེད་པར་བྱས་ནས། ལུང་ཉིད་བརྗོད་པ་ཐམས་ཅད་ཟད་པ་ཞེས་པའི་བསམ་གཏན་ཐོབ་སྟེ། དེ་ནས་མི་སྣང་བའི་ནམ་མཁའ་དང་དབྱིངས་རིག་གཉིས་སུ་མེད་པར་གྱུར་པའོ།། སེམས་དཔའ་ཆེན
213a4 པོ་ང་ཀུན་ཏུ་བཟང་པོའི་མཛད་པ་འདི་ལྟར་སྐུ་གསུང་ཐུགས་ཀྱི་བདག་ཉིད་པ་གཞི་གནས་ཀྱི་ངོ་བོ་ཞེས་བྱ་སྟེ། རྒྱུ་རྣམ་པར་དག་པའི་སངས་རྒྱས་ཀྱིས། འབྲས་བུ་ཡི་རྫོགས་ཆེན་པོ་ཞེས་བྱ་བའི་ལྟ་བ་ཐོབ་སྟེ། དེའི་ཚེ་ང
213a5 ནི་བྱེད་པ་པོ་མེད་པར་རང་བྱུང་ནས། སྐུའི་ཡེ་ཤེས་དང་གཞི་གནས་ཀྱི་ཡེ་ཤེས་གསུམ་གསུང་གི་རོལ་པ་དང་། ཐུགས་ཀྱི་མཛད་པ་རྒྱ་ཆེན་པོར་སྣང་སྟེ། ཡེ་མི་འགྱུར་བའི་སྣང་བ་དེ། ཆོས་ཟད་པའི་དུས་ཀྱི་མཐའི་སྤྲོས་པ
213a6 རང་དེངས། རིག་པའི་ཚད། དབྱིངས་ལ་རྟག་ཏུ་ཡོད་པས་ནམ་མཁའི་ཡིད་ཅན་དུ་རང་བྱུང་། རིག་པའི་སྙིང་པོ་སྲ་བའི་རང་སྣང་ལ་དབང་དུས་གཅིག་ཏུ་ཐོབ་ནས། ཀུན་ཏུ་བཟང་པོའི་དཀྱིལ་འཁོར་ཐམས་ཅད་ཀྱི་མངའ
iiif viewer powered by OpenSeadragon
