| e-texts navigator |
| Wylie |
212b1 དཔའ་ཆེན་པོ་ངའི་སྣང་བ་ནི་མི་སྣང་བའི་སྣང་བ་སྟེ། ཡོད་ཐོས་སྣང་གྲགས་ཐམས་ཅད་ལ་ཁྱབ་ཅིང་འཇུག་ནུས་པ་ཡིན་པས། སྙིང་པོ་གསང་བའི་ཀློང་ཞེས་བྱ་སྟེ། སྐུ་ཀུན་ཏུ་བཟང་པོ་རང་བྱུང་། ངའི་སྣང་བ་ནི་ཅིར
212b2 ཡང་མེད་པ་ལས། ཅིར་ཡང་ཤར་ནས་ཁྱབ་པ་རང་དག་གི་སྙིང་པོ་འདུས་པའི་ཀློང་ཞེས་བྱ་སྟེ། གསུང་ཀུན་ཏུ་བཟང་པོ་རང་བྱུང་། ངའི་སྣང་བ་འདི་ལྟར་སྨྲ་བསམ་ཀུན་གྱི་བདག་ཉིད་དུ་རང་ཤར་ནས་དྲན་པ་རང་སྟོང
212b3 ཉིད་ཀྱི་སྙིང་པོ་འདུས་པའི་ཀློང་ཞེས་བྱ་སྟེ། ཐུགས་ཀུན་ཏུ་བཟང་པོ་རང་བྱུང་བའོ།། ཀྱེ་སེམས་དཔའ་ཆེན་པོ། སངས་རྒྱས་ཐམས་ཅད་དུས་གསུམ་མཉམ་པ་ཉིད་དུ་རིག་པའི་སྐྱེས་བུ་ང་ཀུན་ཏུ་བཟང་པོའི་ཀློང་གཅིག
212b4 ཏུ་འཁྱིལ་བ་ཞེས་བྱ་སྟེ། དེ་བཞིན་ཉིད་རིག་པ་ལུ་གུ་རྒྱུད་དེ་མ་བཅོས་པ་རང་སང་དུ།། ནམ་མཁའ་སྤྲིན་གྱིས་མ་བསྒྲིབས་བཞིན།། ཡེ་གདངས་ཐོག་མེད་ཡེ་ནས་གསལ་བ་ཆེ།། དེ་ལྟར་ནམ་མཁའ་སྤྲིན་མེད་པ་དངས་པ
212b5 ལས།། ཉི་མའི་སྙིང་པོ་རང་སྣང་ལྟར།། ངོ་བོ་དབྱིངས་དྲི་མ་མེད་པའི་སྐུ།། གཅིག་བསྡུས་སྙིང་པོ་ངེས་པ་རིག་པ་ནི།། ང་ཡི་དཀྱིལ་འཁོར་ཉིད་ཡིད་ནོ།། ཆོས་ཅན་བྱའི་སྣང་བ་རྣམས་ནི་བསྡུས་པ་དེ་ཀུན་གྱི་ལས།། ཆོས
212b6 ཉིད་རྣམས་ཀྱི་གྲངས་མཐའ་ཟད།། འདི་ནི་ཀུན་བཟང་ང་ཡི་སེམས།། རྟོག་པ་མེད་པའི་སངས་རྒྱས་ངས། སེམས་དང་མ་རིག་པ་དང་ཉོན་མོངས་པ་དང་། དྲི་མ་ཕྲ་བའི་ཞེན་གྲོལ་བས།། མ་བསྒྲིབས་འོད་རྣམས་ནམ་མཁའ་ལ
iiif viewer powered by OpenSeadragon
