| e-texts navigator |
| Wylie |
212a1 གསོལ་ཏོ།། ཀྱེ་སྟོན་པ་ཀུན་ཏུ་བཟང་པོ་སྟོན་པ་ཉིད་ཀྱི་ཐོག་མའི་སྣང་བ་ཇི་ལྟ་བུ་ལགས། སེམས་ཅན་ཀུན་གྱི་ད་ལྟའི་སྣང་བ་དང་། ཁྱད་པར་མཆིས་སམ་མ་མཆིས། བདག་ལ་བསྟན་དུ་གསོལ། ཞེས
212a2 ཞུས་སོ།། དེ་ནས་སྟོན་པ་ཀུན་ཏུ་བཟང་པོས་བཀའ་སྩལ་པ། བྱང་ཆུབ་སེམས་དཔའ་འོད་ཟེར་ཀུན་འདུས་ཁྱོད་ཉོན་ཅིག། ངས་དུས་གསུམ་མཉམ་པ་ཉིད་བསྟན་པའི་འདུལ་སྟངས་སེམས་ཀྱི་དོན་ཀྱིས། བསྟན་པའི
212a3 དགོངས་པ་ལས་ལངས་ལ། ཁྱོད་ལ་འདི་ལྟ་བུའི་དོན་ངོ་མཚར་ཆེ་བ་ཤིན་ཏུ་གསང་བ་ཆེན་པོ། རང་བཞིན་རྫོགས་པ་ཆེན་པོའི་དོན་མ་ནོར་བར་མཚོན་པའི་ཚིག་གིས་གཞི་གནས་ས་གཏན་ལ་ཕབ་ནས་བསྟན་ན།།
212a4 སངས་རྒྱས་ཐམས་ཅད་ཀྱི་སྐུ་གསུང་ཐུགས། ཀུན་ཏུ་བཟང་པོ་རང་བཞིན་རྣམ་པར་དག་པའི་སྣང་བ་ཡིན་ཏེ། རིགས་དྲུག་གི་འགྲོ་བ་རྣམས་ལ་དུས་གསུམ་མཉམ་པ་ཉིད་དུ་བསྟན་པ་སྟེ། འདི་ནི་ངའི་སྣང་བ་དང་ཁྱད
212a5 པར་དབྱེར་མེད་པར། ཡུལ་ཅན་དུ་མའི་ཀློང་གཅིག་ཏུ་དྲིལ་བ་ཞེས་བྱ་བ་ཆོས་ཐམས་ཅད་དྲི་མའི་ངན་པའི་རྣམ་རྟོག་དང་བྲལ་ཏེ། ང་ཉིད་སྤྲོས་བྲལ་ཀུན་ཏུ་བཟང་པོའི་དབྱིངས་རིག་འདུ་འབྲལ་མེད་པའི་ཀློང་དུ་ཐིམ
212a6 པའོ།། ཡང་ཀློང་ནི་རྒྱ་མཚོ་ལྟ་བུའི་ངའི་སྣང་བ་རང་ཤར་ནས། དཀྱིལ་འཁོར་ཐམས་ཅད་ཀྱི་ཀློང་ཡེ་ནས་རང་ལ་འདུས་པས། ཕྱག་རྒྱ་ཆེན་པོའི་ཀློང་མི་གནས་པ་དབྱིངས་དང་རིག་པ་གཅིག་ཏུ་འཁྱིལ་བའོ།། སེམས
iiif viewer powered by OpenSeadragon
