| e-texts navigator |
| Wylie |
17b1 ནས་འབྱུང་བ་སོ་སོའི་སྒྲ།། བྱེད་རྒྱུ་ཚ་དང་གྲང་བ་ལས།། སོ་སོའི་སྒྲ་དབྱངས་སྟོང་ཕྲག་བརྒྱད།། སྟོན་པས་བྱིན་གྱིས་བརླབས་པར་སྣང་།། ཁྱད་པར་འབྱེད་རྒྱུའི་གསུང་ལ་ཡང་།། སྒྲ་ཚིག་རྣམས་ནི་འབྱུང་བའི
17b2 གཞི།། ཡན་ལག་དྲུག་ཅུར་སྟོན་པས་ཀྱང་།། རང་སྣང་འདུས་པའི་འཁོར་ལ་གསུངས།། དེ་ཡང་དགོངས་པ་ཅི་ཞེ་ན།། གསུང་ཚུལ་དགོངས་པ་གསུམ་དང་བཅས།། གཉེན་པོ་བསྡུས་དང་དབང་པོའི་དོན།། ཚིག
17b3 རྣམས་བསྡུས་ཏེ་སྣང་བར་བྱས།། དེ་མ་ཡིན་པའི་བརྗོད་བྱའི་ཚིག། དུས་གསུམ་འབྱུང་བས་གསུང་བ་མེད།། སྒྲ་ཚིག་མིང་ལ་ངེས་བསྡུས་པས།། ཀ་ལ་པིང་ཀའི་སྒྲ་རྣམས་ཀྱང་།། འདྲེན་དང་འཇུག་དང་སྙན་པའི
17b4 ཕྱིར།། གསལ་བྱེད་སྒྲ་དོན་བཅུ་གཉིས་ལས།། བརྗོད་ཚིག་བཞིའམ་ལྔར་བསྡུས་སོ།། སྟོན་པའི་གསུངས་ལ་ངེས་བསྡུས་པས།། ཚངས་པའི་དབྱངས་ལ་སྟོང་དང་ལྔ།། ངེས་པའི་རྗོད་བྱེད་བརྒྱ་དང་གསུམ།། རིང་བྱེད
17b5 སུམ་ཅུ་ངེས་པར་བསྡུས།། དེ་ལ་གསལ་བྱེད་བཅུ་དྲུག་གོ། རྟོགས་སངས་ཡན་ལག་དྲུག་ཅུ་གཉིས།། སྤྲོས་མེད་ཡན་ལག་བཞི་བཅུ་གཉིས།། ཁྱད་པར་བསྡུས་པའི་རིགས་གཉིས་ནི།། སྒྲ་དང་ཚིག་གི་གཞི་མའོ།། དེ
17b6 དགོངས་པ་ཅི་ཞེ་ན།། སོ་སོའི་ལས་ཀྱི་འཕྲུལ་གྱིས་ཀྱང་།། བསླབ་བྱའི་རྩ་བ་བཅུ་བཞི་གཉིས།། རི་མོ་རྣམས་ལ་མཁས་པ་ཡིས།། སྤྲུལ་པ་ལ་སོགས་འབྱིན་པ་དང་།། རྟག་ཏུ་དགོད་པའི་དོན་རྣམས་ཤེས།། དེ་ལྟར
iiif viewer powered by OpenSeadragon
