| e-texts navigator |
| Wylie |
163b1 བཅུད་དུ་ཕྱུང་བ་རྫོགས་སོ།། །། རྒྱ་གར་གྱི་མཁན་པོ་བི་མ་ལ་དང་།། བོད་ཀྱི་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་བའོ།། །། དཔལ་སྔགས་ཀྱི་སྲུང་མས་སྲུངས་ཤིག། ངོ་སྤྲོད་སྤྲས་པའི་རྒྱུད་ལ
163b2 འགྲེལ་བ་རིན་པོ་ཆེ་བསྟར་བརྒྱུས་བྱ་བ་ཡོད།། ངོ་སྤྲོད་སྤྲས་པའི་རྒྱུད་ལ་མ་བུ་བཅོ་ལྔ། རྒྱ་གར་སྐད་དུ། རཏྣ་མུཀྟ་མཱ་ལཱ་ཏནྟྲ་ནཱ་མ། @#།། བོད་སྐད་དུ། མུ་ཏིག་རིན་པོ་ཆེ་ཕྲེང་བའི་རྒྱུད་ཅེས་བྱ་བ།
163b3 བཅོམ་ལྡན་འདས་ངོ་བོ་རིག་པའི་བདག་ཉིད་འཁྲུལ་པ་མི་མངའ་བ་ཉིད་ལ་ཕྱག་འཚལ་ལོ།། འདི་སྐད་བདག་གིས་བསྟན་པའི་དུས་གཅིག་ན། ཀྱེ་མ་རང་ཤེས་རིག་གི་རྒྱལ་པོར་སྣང་བའི་ཕྱིར་འཁྲུལ་པའི་བདག་ཉིད་ཆེན་པོ
163b4 རྣམས་ཉོན་ཅིག། གཞི་རིགས་པ་ལས་འདས་པར་བྱ་བའི་ཡུལ་མེད། ང་མེད་པའི་སྔོན་རོལ་ན། ཀ་དག་རང་དུ་གནས་པ། འཁྲུལ་པ་མེད་པའི་རིག་པ། འཁྲུལ་པའི་བདག་ཉིད་ཅན་ཞེས་བྱ་བ་ལྷུན་གྲུབ་ལ་ཡོད་དོ།། དེ་ལས་དེ་མ་དག་པ
163b5 ལས་འདི་ལྟར་སྣང་བའི་ཆོ་འཕྲུལ། བྱི་སྣོད་དང་ནང་བརྒྱད་ཆེན་པོ་ཆེར་བྱུང་སྟེ། རང་སྣང་དུ། འཁྲུལ་པས་མ་བགོས་པའི་ཡུལ་སོ་སོར་ཤར་རོ།། དེའི་ཚེ་ཡིད་བྱེད་པ་པོ་ཀུན་ཏུ་བཟང་པོ་སྣང་བ་འདུ་བྱེད་ཀྱི་རྒྱལ་པོ།། སྣང་བ་ལ
163b6 རང་དང་བདག་ཏུ་རིས་སུ་འབྱེད་པའི་རིག་པས་ངོ་བོ་མ་གཡོས་ཀྱང་། སྣང་བའི་རྟོག་པ་དུ་མ་ལྟར་བདག་འཛིན་དུ་བྱུང་ངོ་།། འཁྲུལ་པའི་སྣང་བ་རང་དངས་སུ་དག་སྣང་ཞིང་ཁམས་སུ་རིག་པ་བཞི་ལ་བཟློག་པའི་ཐབས་མཆོག་ཏུ
iiif viewer powered by OpenSeadragon
