| e-texts navigator |
| Wylie |
162b1 པ་ཐམས་ཅད་ཀྱི་སྒོ་བཀག་པ་ཞེས་བྱ་སྟེ། དེ་ཉིད་ཀྱིས་དེ་ཉིད་གྲོལ་བའི་མན་ངག་གཞི་རྣམ་པར་དག་པས་ལམ་མངོན་དུ་ཤར་བ་སྟེ། སངས་རྒྱས་ཐམས་ཅད་ཀྱི་མཛད་པའི་དོན་ལ་མཁས་པ་ཞེས་བྱ་བར་རང་བྱུང་བ
162b2 ཡིན་པས། བདག་ཉིད་ལུང་ཐམས་ཅད་ཀྱི་ལུང་དུ་རིག་པ་ཉིད་བྱུང་བའོ།། ཀྱེ་གསང་བའི་བདག་པོ་ཉོན་ཅིག། གཞི་ལ་གནས་པའི་རིག་པ་ཡིས།། ཆོས་ཉིད་འདུས་པའི་དབྱིངས་དང་འཕྲད།། མཚན་ཉིད་འཛིན་པའི
162b3 རིག་པ་ཡིས།། རྣམ་པར་དག་པའི་དབྱིངས་དང་འཕྲད།། ལུ་གུ་རྒྱུད་ཀྱི་རིག་པ་ཡིས།། རང་བཞིན་འོད་ཀྱི་དབྱིངས་དང་འཕྲད།། ཅེས་ངམས་པའི་ཚིག་རང་བྱུང་ངོ་།། དེ་ནས་ཡང་ལག་ན་རྡོ་རྗེས་འདི་སྐད་ཅེས་གསོལ
162b4 ཏོ།། ཀྱེ་བཅོམ་ལྡན་འདས་དེ་རྣམས་ཀྱི་དོན་བསྡུས་ནས་གང་ཟག་གཅིག་ལ་སྟོན་ན་ཅི་ལྟར་བགྱི། སྟོན་པ་ཉིད་ཀྱིས་བདག་ལ་གསུངས། དེ་ནས་རྡོ་རྗེ་འཆང་ཆེན་པོ་དེས། འདི་དག་ཚིག་ཏུ་བརྗོད་དོ།། ཨེ་མ
162b5 ཧོ།། སྣང་བ་ཐམས་ཅད་སེམས་སུ་ངོ་སྤྲད་པས་སེམས་ལ་བྱིན་ཚུད།། སེམས་སྟོང་པར་ངོ་སྤྲད་པས་སྟོང་པར་བདེ་བའི་རྒྱས་གདབ། སྟོང་པ་རིག་པར་ངོ་སྤྲད་པས་རིག་པ་ཉིད་དབྱིངས་དང་ཡེ་ཤེས་གཉིས་སུ་མེད
162b6 པའོ།། དེའི་ཕྱིར་ན། འཁྲུལ་པ་རྣམས་སྦྲུལ་སྐུ་ལ་ངོ་སྤྲད་པས་སྣང་བ་འདི་གཏན་ལ་ཕེབས། ལོངས་ཚོམ་བུ་སྤྱོད་རྫོགས་པའི་སྐུ་ལ་ངོ་སྤྲད་པས་བར་དོའི་སྣང་བ་གཏན་ལ་ཕེབས།། ཆོས་ཀྱི་སྐུ་ལ་ངོ་སྤྲད་པས་ཆོས་ཉིད་ཀ
iiif viewer powered by OpenSeadragon
