| e-texts navigator |
| Wylie |
162a1 གསང་བའི་བདག་པོ་ལ་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ། གསལ་བ་རིག་པར་ངོ་སྤྲད་པས།། གསལ་བ་ཉིད་མཐའ་ཐམས་ཅད་རྣམ་པར་འབྱེད་པའི་རང་སྣང་དུ་ཤར་ནས། དྲི
162a2 མ་ཐམས་ཅད་ལས་འདས་པའི་དཀར་པོ་རང་བྱུང་། ཡོན་ཏན་ཐམས་ཅད་རྫོགས་པའི་སེར་པོ་རང་བྱུང་། མ་བཙལ་བཞག་པའི་དམར་པོ་རང་བྱུང་། བྱ་བཙལ་རྫོགས་པའི་ལྗང་གུ་རང་བྱུང་། མི་འགྱུར་ཁྱབ་པའི་མཐིང
162a3 གར་རང་བྱུང་བའོ།། གསང་བའི་བདག་པོ་རྡོ་རྗེ་འཛིན་པ་ཆེ།། སྐུ་ཡི་གསལ་ཆས་རིག་པ་དྲི་མེད་མཐོང་།། ཐིག་ལེའི་གསལ་ཆས་རིག་པ་ཉག་ཅིག་མཐོང་།། ཡེ་ཤེས་གསལ་ཆས་རིག་པ་ཡེ་དངས་མཐོང་།། དབྱིངས
162a4 ཀྱི་གསལ་ཆས་རིག་པའི་རང་ཡུལ་མཐོང་།། སྒྲོན་མའི་གསལ་ཆས་རིག་པའི་རང་ངོ་མཐོང་། འོད་ལྔའི་གསལ་ཆས་རིག་པའི་ཁ་དོག་མཐོང་།། སྣང་བའི་གསལ་ཆས་རིག་པའི་རང་བཞིན་མཐོང་།། ཤེས་རབ་གསལ
162a5 ཆས་རིག་པའི་འདུག་ཚུལ་ཤེས།། ཞེས་བརྗོད་ནས་ཡང་གསང་བའི་བདག་པོ་ལ་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ་ཁྱོད། ཡིད་གཞན་དུ་མ་ཡེངས་པར་ཉོན་ཅིག། རིག་པ་དང་དབྱིངས་ངོ་སྤྲད
162a6 པས་རིག་པ་ཉིད་ཡུལ་ཐམས་ཅད་ཀྱི་བདག་ཉིད་དུ་བྱུང་སྟེ། དེ་ཉིད་གནས་ཀུན་ལ་ལོངས་སྤྱོད་པ་ཞེས་བྱ་བར་རྡོ་རྗེ་སྙིང་པོའི་ཚིག་ཏུ་ངས་བསྟན་ཏོ།། དེའི་ཕྱིར་ན། སྔོན་དུ་རིག་པ་སྣང་བའི་ཡུལ་ལ་མཁས་པས། དྲན
iiif viewer powered by OpenSeadragon
