| e-texts navigator |
| Wylie |
161a1 རེག་སྐུ་ཐམས་ཅད་ཀྱི་བདག་ཉིད་དུ་རང་བྱུང་སྟེ་སྣང་བ་ཐམས་ཅད་སྐུར་ངོ་སྤྲད་པས། བརྟེན་པ་ལྷའི་སྐུ་ངོ་སྤྲད་པས། སངས་རྒྱས་ཐམས་ཅད་ཀྱི་བདག་ཉིད་གཅིག་ཏུ་གྱུར་པ་ཞེས་བྱའོ།། ཀྱེ་གསང
161a2 བའི་བདག་པོ་ཉོན་ཅིག། རྡོ་རྗེ་སྐུ་ཡི་རང་བཞིན་པས།། མི་འགྱུར་མི་ཤིགས་ངང་དུ་གནས།། པདྨ་གསུང་གི་རང་བཞིན་པས།། མ་འགགས་འགག་མེད་སྙིང་པོར་གནས།། འཁོར་ལོ་ཐུགས་ཀྱི་རང་བཞིན་པས།། མི
161a3 རྟོག་བསམ་གཏན་ཆེན་པོར་གནས།། སྐུ་གསུམ་མི་འབྱེད་དཀྱིལ་འཁོར་ནས།། སངས་རྒྱས་རྣམས་ཀྱི་ཐབས་ཤར་བས།། ཞེན་པ་བློ་ཡི་ཟག་པ་བཅད།། འགྲོ་བ་དྲུག་གི་གཡང་ས་ཟླུམ།། སྣང་བ་བདེ་བའི་ཞིང་དུ
161a4 ཤར།། ཞེས་པ་རྣམས་དམས་པའི་ཚིག་ཏུ་བསྒྲགས་ནས་གསང་བའི་བདག་པོ་ལ་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ། སྣང་བ་ཉིད་སྟོང་པར་ངོ་སྤྲད་པས། སྣང་བ་ཕུང་པོ་རྣམས་དང་གཉིས་སུ་མི
161a5 འབྱེད་པར་གྱུར་ནས་ཆོས་ཀྱི་དབྱིངས་ཀྱི་དབང་དུ་གྱུར་ཏེ། ཡུལ་ཐམས་ཅད་གཅེར་གྲོལ་དུ་ངོ་སྤྲད་པའོ།། སྟོང་པས་སྟོང་པའི་ཚད་ཟིན་ཏེ། གྲུབ་པའི་མཐའི་ཞེན་པ་ཐམས་ཅད་དུས་གཅིག་ལ་ཆོད་ནས་སྟོང་པ་ཉིད
161a6 སྐུའི་ཀློང་དུ་ཀུན་ཆུབ་པར་གྱུར་ནས། འཁོར་འདས་གཉིས་སུ་མེད་པའི་གདེང་རྙེད་པའོ།། ཀྱེ་གསང་བའི་བདག་པོ་ཉོན་ཅིག། ཆུའི་སྣང་བ་མེད་པས་ཀུན་ཁྱབ་ཆེན་པོའི་སྣང་བ་རྙེད། སའི་སྣང་བ་རང་བྱུང
iiif viewer powered by OpenSeadragon
