| e-texts navigator |
| Wylie |
15b1 བ་དེ་དག་ཀུན་དགའ་ཞིང་མགུ་ནས་ཐལ་མོ་སྦྱར།། ཉིད་ཀྱིས་གསུངས་པའི་ཚིག་དོན་ལ།། རྗེས་སུ་ཡི་རང་མངོན་པར་བསྟོད།། དེ་ཀུན་སྐྱེ་བ་མེད་པར་གྲོལ།། ལྷ་དང་ལྷ་མིན་ཐམས་ཅད་ཀུན།། དད་པས་རྗེས་སུ་ཡི
15b2 རང་ངོ་།། དཔལ་ནམ་མཁའ་མེད་པའི་རྒྱུད་རིན་པོ་ཆེ་སྐུ་གདུང་འབར་བའི་རྒྱུད་ལས།། གསང་བ་ཡང་གསང་ཡང་འདུས་ཀྱི་སྙིང་པོ།། རང་བཞིན་རྫོགས་པ་ཆེན་པོའི་རྒྱུད། འབུམ་ཕྲག་དྲུག་ཅུ་རྩ་བཞི་ལས་ཁྱད་པར
15b3 དུ་འཕགས་པ་རྫོགས་སོ།། །། རྒྱ་རྒྱ་རྒྱ། རྒྱ་གར་གྱི་མཁན་པོ་བི་མ་ལ་མུ་དྲ་དང་། བོད་ཀྱི་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་ཅིང་གཏན་ལ་ཕབ་པའོ།། སྐུ་གདུང་འབར་བའི་རྒྱུད་མ་བུ་བདུན།། གཾ་གརྦ་མ་ཏག།
15b4 @།། རྒྱ་གར་སྐད་དུ།། རཏྣ་ཀ་ར་ཤབྡ་མ་ཧཱ་པྲ་སཾ་ག་ཏནྟྲ་ནཱ་མ། བོད་སྐད་དུ། རིན་པོ་ཆེ་འབྱུང་བར་བྱེད་པ་སྒྲ་ཐལ་འགྱུར་ཆེན་པོའི་རྒྱུད་ཅེས་བྱ་བ། བཅོམ་ལྡན་འདས་རང་བྱུང་ཆེན་པོ་མཆོག་གི་སྟོན་པ། དཔལ
15b5 ཀུན་ཏུ་བཟང་པོ་ལ་ཕྱག་འཚལ་ལོ།། ཐུན་མོང་མ་ཡིན་པའི་གླེང་གཞི་བཀོད་པ། འདི་སྐད་བདག་གིས་བསྟན་པའི་དུས་གཅིག་ན། འཁོར་དང་འདས་པའི་ཐོག་མར་ནི།། རང་བྱུང་བྱས་པ་མེད་པ་ལས།། འབྱུང་བ་འདུས་པའི་ཕུང
15b6 པོར་ཤར།། ས་ཆུ་མེ་རླུང་འབྱུང་བ་བཞི།། དབུས་སུ་རླུང་སེམས་རྒྱུ་དང་རྐྱེན།། འདུས་ཤིང་བསྐྱེད་པའི་གཞལ་མེད་ཁང་།། རང་བྱུང་རིག་པས་བཅོས་པ་མེད།། འཁྲུལ་པ་ཡོངས་སུ་དག་པ་ལ།། བདེ་ཆེན་འདུས་པའི
iiif viewer powered by OpenSeadragon
