| e-texts navigator |
| Wylie |
15a1 མཁའ་གསལ་ཞིང་དངས་པ་ལ།། ཉི་མ་ཟླ་བའི་སྣང་བ་གསལ།། རླུང་དང་སེར་བུ་སྣང་མི་ནུས།། འདི་ནི་ལྷ་ཡི་སྐྱེ་གནས་སོ།། ཡང་ན་ནམ་མཁའ་གསལ་དངས་ལ།། མི་འབྱེད་སྤྲིན་ནི་དར་དཀར
15a2 བཞིན།། ཤིན་ཏུ་སྲབ་ཅིང་གསལ་བར་སྣང་།། ཡང་ན་ཉི་ཟླ་འོད་ཁྱིམ་ཅན།། འདི་ལྟར་སུ་ལ་བྱུང་བ་དེ།། མི་ཡི་སྐྱེ་གནས་འདིས་འཐོབ་བོ།། དེ་ལྟར་རྟགས་དང་སུ་ལྡན་པ།། ངེས་པར་རིགས་དྲུག་སར་སྐྱེ་ཡིན།། འདི
15a3 ལྟར་མ་ཡིན་འདུ་བྱེད་རྣམས། ངེས་པ་མེད་པར་སྐྱེ།། རྟགས་མེད་ངེས་པ་མེད་པ་ཡིན།། འདི་ལྟར་རྟགས་ནི་དེ་དག་ཀུན།། ཞག་ཤི་ནས་ནི་གཉིས་ནས་གསུམ་དུའོ།། འདི་ཀུན་སྐྱེ་གནས་དེར་སྐྱེའི་རྟགས།། ཡང་ནི་ཉོན་ཅིག
15a4 མཁའ་འགྲོ་མ།། འདི་ནི་རྒྱུད་ཀྱི་རང་བཞིན་དུ།། འདི་ལྟར་འགྱུར་རོ་མཁའ་འགྲོ་མ།། མ་བསྐུར་གཞི་ནས་རྫོགས་པའི་དབང་ཐོབ་ནས།། ཅོག་བཞག་རང་སར་བཞག་པའི་མན་ངག་བསྟན།། འདའ
15a5 མེད་བསྲུང་མཚམས་མེད་པའི་ཉམས་ལེན་བྱ།། རང་གནས་གཅིག་སར་གནས་པའི་དགོངས་པ་ལ།། ཐིག་ལེ་མི་འགྱུར་ཚད་ལྡན་དམིགས་སུ་ནི།། དམ་པའི་དོན་གྱི་བདེན་པར་གནས་པར་བྱའོ།། སྐུ་གདུང་འབར་བ
15a6 ཆེན་པོ་རིན་པོ་ཆེའི་རྒྱུད་ཆེན་པོ་ལས།། ཕྱི་རྟགས་བསྟན་པའི་ལེའུ་སྟེ་གསུམ་པའོ།། །། སྟོན་པ་རྡོ་རྗེ་འཆང་བ་ཡིས།། དེ་སྐད་ཚིགས་སུ་གསུངས་པ་ཡིས།། སངས་རྒྱས་འབྲས་བུ་ཆེན་པོ་ལས།། འཁོར་དུ་སྣང
iiif viewer powered by OpenSeadragon
