| e-texts navigator |
| Wylie |
159b1 ལེ་འདུས་པའི་དུས་སུ་བརྟག། ལུས་རྟགས་དྲོད་ཀྱི་ཚད་འཛིན་པ།། རྟག་ཏུ་རེས་འཇོག་བྲལ་བའི་དུས་ན་བརྟག། གསུང་གི་སྒྲ་ཡི་ཚད་འཛིན་པ།། སྲིད་པ་གཞིར་བཞེངས་སྔར་མི་ཤེས་པའི་ཆོས་རྣམས་ཤེས་པ། དུས་སུ
159b2 བརྟག། རིག་པ་རང་གནས་མི་འགྱུར་སྐུ་ཡི་ཚད།། འབྱུང་བ་ཟད་མི་ལུས་མི་སྣང་པའི་དུས་ན་བརྟག། ཡེ་ཤེས་ཐུགས་ཀྱི་ཚད་འཛིན་པ།། སྣང་བ་བློ་ལ་སྐྱེ་མི་སྲིད་གཞིར་བཞག་དུས་སུ་བརྟག། དགོངས་པ་རྣམས་ཀྱི་ཚད
159b3 འཛིན་པ།། རིག་པ་གོང་ནས་གོང་དུ། སྲང་ལ་ཐེབ་པར་བརྟག། ཏིང་ངེ་འཛིན་གྱི་ཚད་འཛིན་པ།། ཟས་གོས་དང་བདག་མེད་པ། འདུ་ཤེས་གསུམ་དང་བྲལ་བར་བརྟག། ཆོས་ཉིད་མི་གཡོའི་ཚད་འཛིན་པ།། གང་ཡང་མི་བྱེད་མཉམ
159b4 པ་ཉིད་ཀྱི་དུས་ན་བརྟག། ལྷག་མཐོང་ཉིད་ཀྱི་ཚད་འཛིན་པ།། བླ་མའི་གདམས་ངག་འཁོར་འདས་རུ་ཤན་ལ་སོགས་པ་ཉིད་ལ་བརྟག། འབད་མེད་རང་གྲོལ་ཚད་མི་སྐྱེ་བ་འཛིན་པ།། ཁྲེགས་ཆོས་ཐོད་རྒལ་རང་རྒྱས་བཏབ་པ
159b5 མཚམས་སུ་བརྟག། ལུས་གནས་ཡེ་ཤེས་ཚད་འཛིན་པ།། འདུག་སྟངས་སྣང་བ་མི་འདྲ་བ་སེང་གེ་དང་དྲང་སྲོང་ལ་སོགས་པ། རྣམས་ཀྱི་དུས་ན་བརྟག། ཡིད་ཆེས་གོམས་པའི་ཚད་འཛིན་པ།། ཉམས་མྱོང་གོམས་པའི་དུས་ན
159b6 བརྟག། སྐུ་གསུམ་འབྲས་བུའི་ཚད་འཛིན་པ།། ཆོས་རྣམས་ཅི་ཡང་མ་ཡིན་པར་ཤེས། ཟད་པའི་དུས་ན་བརྟག། ཐུགས་རྗེས་དོན་བྱེད་ཚད་འཛིན་པ།། ཡེ་ཤེས་མཁྱེན་པའི་རྣམ་པ་ཐམས་ཅད་མཁྱེན་པའི་ཆ་ཙམ་དུ་ཡོད། དུས་ན
iiif viewer powered by OpenSeadragon
