| e-texts navigator |
| Wylie |
158b1 ཉིད་ལ་བརྟག། འཁྲུལ་པ་རྣམས་ཀྱི་ཚད་འཛིན་པ།། རྨི་ལམ་བྱ་བྱེད་ཉིད་ལ་བརྟག། བག་ཆགས་འཐུག་པོའི་ཚད་འཛིན་པ།། གང་ཞེན་ཡུལ་གྱི་རྐྱེན་ལ་བརྟག། མ་འཁྲུལ་ཡེ་ཤེས་ཚད་འཛིན་པ།། སྤྲིན་དང་བྲལ་བའི
158b2 ནམ་མཁར་བརྟག། ཡེ་ཤེས་འོད་ཀྱི་ཚད་འཛིན་པ།། མན་ཤེལ་སྙིང་པོ་དོད་ཉིད་ལ་བརྟག། ཐིག་ལེ་རྣམས་ཀྱི་ཚད་འཛིན་པ།། དྲ་བ་མིག་ཚགས་ལུ་གུ་རྒྱུད་ཀྱི་བར་ལ་བརྟག། རྣལ་འབྱོར་གོམས་པའི་ཚད་འཛིན
158b3 པ།། རིག་པ་ཚད་ལ་ཕེབས་ཐིག་ལེ་ལས་སྐྲ། ལ་བརྟག། སྤྱོད་མེད་རང་དག་ཚད་འཛིན་པ།། བསྒྲུབ་རྒྱུ་རྣམས་དང་བྲལ་བར་ཟད་པ་བརྟག། བདེ་བ་རང་གནས་ཚད་འཛིན་པ།། ཡབ་ཡུམ་གྱི་སྙོམས་འཇུག་མཁའ་མཉམ
158b4 དག་ཏུ་བརྟག། ཕྱག་རྒྱ་ཆེན་པོའི་ཚད་འཛིན་པ།། སྣང་སྲིད་ཕྱག་རྒྱའི་ཞིང་ལ་བརྟག། རིག་པ་རྩལ་དབང་ཚད་འཛིན་པ། གཞི་སྤྱོད་ལུས་ངག་སེམས་ཀྱི་བརྡའ་ལ་བརྟག་སྲོག་ཤིང་དམ་ཚིག་ཚད་འཛིན་པ།། གདེངས
158b5 ལྡན་མི་འདའ་རྒྱུན་དུ་ཡེ་བསྲུང་རང་བཞིན་མེད་པ་ཉིད་ལ་བརྟག། ཐ་སྙད་གྲུབ་མཐའི་ཚད་འཛིན་པ།། ཐིག་ལེ་ཉག་གཅིག་སྤྲོས་དང་བྲལ་ལ་བརྟག། ཐེག་པ་སྤྱིར་ཐིག་ལེ་ཕྱི་ནང་དང་ཡང་བྱུང་། ཚད་འཛིན་པ།། རིག་པ་མཁའ
158b6 ལྡིང་དབྱིངས་རིག་འདྲེས་པ་ཉིད་ལ་བརྟག། དྲན་པ་རྣམས་ཀྱི་ཚད་འཛིན་པ།། སྒོ་ལྔའི་ཤེས་པ་ཡུལ་འཛིན་པ་ཉིད་ལ་བརྟག། གསལ་བ་རྣམས་ཀྱི་ཚད་འཛིན་པ།། ཡུལ་རྐྱེན་གཟུགས་ལ་ཞེ་སྡང་སོགས་བྲལ་བའི་མཚམས་སུ
iiif viewer powered by OpenSeadragon
