| e-texts navigator |
| Wylie |
158a1 ནི་གོམས་པར་བྱའོ།། ཞེས་ངོ་སྤྲོད་རིན་པོ་ཆེ་སྨྲས་པའི་རྒྱུད་ལས། གསང་བ་ནང་གི་ངོ་སྤྲོད་བསྟན་པའི་ལེའུ་སྟེ་གཉིས་པའོ།། །། ཝ་ཎ་ཝག། ནྱ་ཤརྱ། ནྱ།། དེ་ནས་ཕྱིའི་དཔེ་རྣམ་པར་སྤྲོས་པ་ཞེས་བྱ་བའི
158a2 ཏིང་ངེ་འཛིན་ལས་བཞེངས་ནས་གསང་བའི་བདག་པོ་ལ་སོགས་པ་རྣམས་ལ་བོས་ནས་འདི་སྐད་ཅེས་གསུངས་སོ།། ཀྱེ་ལག་ན་རྡོ་རྗེ་འཛིན་པ་འདི་དག་རྣམས་ཁྱོད་ཀྱིས་ཟུང་ཞིག། ཕྱི་ཡུལ་གྱི་སེམས་སྦྱང་བ་དང་གཞིལ་བ
158a3 དང་བཏུལ་བ་ལ་སོགས་པའི། གནད་ཀྱིས་ནང་སེམས་གཏན་ལ་དབབ་པར་བྱ། དེ་ལྟར་སེམས་སྤྲོས་པ་ཆོད་ནས། ནང་སེམས་ཀྱི་གནད་ཀྱིས་གསང་བ་དབྱིངས་གཏན་ལ་དབབ་པར་བྱའོ།། གསང་བ་དབྱིངས་ཀྱི་གནད་ཀྱིས་གསང
158a4 བ་བླ་ན་མེད་པའི་རིག་པ་ཉིད་མངོན་སུམ་དུ་གཏད་ལ་དབབ་པར་བྱའོ།། དེའི་ཕྱིར་ན་སངས་རྒྱས་ཀུན་གྱི་ཚད་འཛིན་པ།། ཤེལ་དཔེའི་ཡེ་ཤེས་རྣམས་ལ་བརྟག། རྟགས་ཀྱི་ཡེ་ཤེས་ཚད་འཛིན་པ།། མིག་ནས་ཐིག་ལེ
158a5 སྟོང་པའི་སྒྲོན་མ་བརྟག། དོན་གྱི་ཡེ་ཤེས་ཚད་འཛིན་པ།། མངོན་སུམ་རྡོ་རྗེ་ལུ་གུ་རྒྱུད་གསལ་བའི་སྣང་བས་བརྟག། སྐྲ་ཚིག་མིང་གི་ཚད་འཛིན་པ།། ཕྱི་ཡི་ཡུལ་དང་སྣང་བ་འབྱུང་བ་ཡང་བརྟག། མི་རྟོག་བསམ་གཏན
158a6 ཚད་འཛིན་པ།། ལག་གི་འདུ་བྱེད་མདུང་ཁྱིམ་དང་སྒོ་ང་ལ་སོགས་པ། ཉིད་ལ་བརྟག། སྒྲ་དོན་ཤེས་པའི་ཚད་འཛིན་པ།། འབྱུང་བའི་ཆོ་འཕྲུལ་ཉིད་སྣ་ཚོགས་པ་ལ་བརྟག། ཨཱ་ལི་ཀཱ་ལིའི་ཚད་འཛིན་པ།། གནས་དང་འབྱུང་བ
iiif viewer powered by OpenSeadragon
