| e-texts navigator |
| Wylie |
157b1 ལ་གསུངས།། རྡོ་རྗེ་འཆང་གིས་བཀའ་སྩལ་པ།། གསང་བའི་བདག་པོ་ཡང་ཉོན་ཅིག། སྤྱི་རྣམས་སྤྲོས་པ་ཅན་གྱི་དོན།། རྒྱ་ཆེ་ལས་ནི་རྣམ་བསྡུས་པ།། ཉི་ཤུ་རྩ་གཅིག་བློ་རིམ་བཞིན།། འོད་དང་ཡེ་ཤེས་ཉིད་ལ
157b2 ནི།། ངོ་སྤྲོད་རྣམ་པ་བདུན་དག་གིས།། བློ་ཆུང་རིམ་པ་བདུན་རྣམས་གྲོལ།། སྐུ་དང་ཐིག་ལེ་ཉིད་ལ་ཡང་།། ངོ་སྤྲོད་ཉིད་ནི་རྣམ་བདུན་གྱིས།། འབྲིང་པོ་བདུན་པོའི་དོན་དུའོ།། རིག་པ་དང་ནི་དབྱིངས་ལ
157b3 བདུན།། ཆེན་པོ་རྣམས་ཀྱི་དོན་དུའོ།། དེ་ནི་ཕྱི་ལས་ནང་དུ་བསྡུས།། ཡང་བསྡུས་པ་ནི་འདི་དག་གོ། འོད་ལ་བྱི་དང་ནང་གཉིས་ཏེ་ཡེ་ཤེས་ཀྱི་འོད་དང་ངོ་བོ་དང་ལམ་དུའོ།། གསུམ།། སྐུ་ལ་ཆོས་ལོངས་སྤྲུལ་གསུམ་བསྟན་ཐིག
157b4 ལེ་རྩའི་དང་མིག་གི་དང་བར་དོའོ།། གསུམ།། རིག་པ་གཉིས་ཏེ་གཞི་འཛིན་པ་དང་མཚན་ཉིད་འཛིན་པ། དབྱིངས་ལ་གཉིས།། དེ་དག་བསྡུས་པའི་དོན་དུའོ།། ཤིན་ཏུ་བསྡུས་པ་འདི་དག་ཉིད།། དཔེ་ཤེལ་ལས་བྱུང་བའི་འོད་དང་རྟགས
157b5 མིག་ནས་དང་དོན་ཕྲེང་ན་གསུམ་གྱིས།། རང་བཞིན་གནས་པའི་འབྲས་བུ་ཐོབ།། གལ་ཉི་དེ་ལ་མ་མོས་ན་ས་བསྒོམ་པ་ལ་བསླབ་ཕྱག་རྒྱ་ལྷ་ཡི་རྣལ་འབྱོར་འཇུག། མཚན་མ་ཅན་གྱི་དོན་དུའོ།། སྒྲོས་བྲལ་དབྱིངས་རིག་པ་ཅག
157b6 གཅིག་དགོངས་པ་ནི།། དེ་དག་རྣམས་ཀྱི་འཛིན་པ་བྲལ།། སྨིན་པས་སྨིན་པ་ལམ་དུ་བྱེད།། མངོན་གསུམ་རྒྱུན་དུ་གནས་པ་ལ།། སྙིང་པོ་རང་གིས་རང་མཐོང་བས།། གཞན་རྩོལ་རྣམས་ཀྱིས་ཅི་ཞིག་བྱ།། འདི་ཉིད་ལ
iiif viewer powered by OpenSeadragon
