| e-texts navigator |
| Wylie |
156b1 སོ།། ཉི་ཤུ་རྩ་གཅིག་དེ་དག་ནི་དབང་པོ་རྒྱ་ཆེ་བ་རྣམས་ཀྱི་དོན་དུ་གསུངས་ན། དབང་པོ་རྒྱ་ཆུང་བ་རྣམས་ཀྱིས་ཇི་ལྟར་སྤྱད་པར་བགྱི། བཅོམ་ལྡན་འདས་ཀྱིས་བདག་ཅག་ལ་གསུང་དུ་གསོལ། ཞེས་ཞུས་སོ།། དེ་ནས
156b2 བཅོམ་ལྡན་འདས་ཀྱིས་ལག་ན་རྡོ་རྗེ་ལ་སོགས་པའི་འཁོར་དེ་དག་གི་རྟོག་པ་བསལ་བའི་ཕྱིར། ཡང་འདི་དག་རྣམས་ཐུགས་ཀྱི་དཀྱིལ་འཁོར་ནས་ཕྱུང་ངོ་།། དེ་ནས་རྣལ་འབྱོར་བློ་རབ་ཅན།། དོན་འདི་ཉིད་ལ་རབ
156b3 ཏུ་དད་པས་ནི།། འདི་དག་རྣམས་སུ་བསྟན་གྱིས་ཉོན།། དཔེ་ཡིས་དཔེ་རྣམས་ཉི་ཤུ་རྩ་གཅིག་གྲངས་བསྟན་པས།། ཕྱི་ཡི་ཡུལ་རྣམས་སྙིང་པོར་གྲོལ།། འདི་ལྟར་མིག་གི་ཨ་འབྲས་རྟགས། ཕུག། རང་གི་ཚོན་ཐེབ་ཀྱིས
156b4 ནི་དེ་བཙིར་ན།། འོད་ནི་དམར་པོ་ཐིག་ལེ་སྟོང་པའི་སྒྲོན་མ། ཚོན་གང་ཆ།། ཐིག་ལེ་ཉིད་ནི་ལུས་གནས་རྟགས།། ངེས་པའི་སྙིང་པོར་གཏན་ལ་དབབ།། མགྲིན་པ་ཡི་ནི་ཕྱི་རོལ་རྩ། གཉིད་ལོག། རང་གི་མཛུབ་དང་སྲིན་ལག
156b5 གིས། རྩེ་མོས་ནང་དུ་དབུགས་ནི་རྔུབས་ཏེ་དེ་བཙིར་ན།། བར་སྣང་ལ་འོད་ལྔའི་དུམ་བུ་ཉིད་སྣང་བ།། ལུས་ལ་དེ་བཞིན་གནས་པའི་རྟགས།། དེས་ནི་འབྱུང་བ་རང་སར་གྲོལ། ནང་དུ་དབུགས་རྔུབ་གློ་དང་སྦྲིད་དྲག
156b6 བྱས་ན།། རང་བཞིན་གྱིས་ནི་མེ་སྟག་བཞིན།། རྣམ་པར་འཕྲོ་བའི་འོད་རྣམས་ནི།། ཤེས་རབ་ཀྱི་ནི་རྟགས་སུའོ།། རྩོལ་བས་འབད་བཅས་རྟགས་ནི་དེ་དག་གིས།། འབད་བཅས་གྲོལ་བའི་ངེས་དོན་ཐོབ།། དབྱིངས་སྨིན
iiif viewer powered by OpenSeadragon
