| e-texts navigator |
| Wylie |
156a1 ཡང་།། ཤིན་ཏུ་གསལ་བའི་འོད་ཀྱིས་རྣམ་སྤྲས་ཏེ།། སྟེང་འོག་ཕྱོགས་མཚམས་རྣམས་ནི་གསལ་བར་མཐོང་།། རིགས་ལྔའི་དྲ་བ་ཉིད་ལ་ངོ་སྤྲད་པས།། གཞལ་ཡས་རང་སྟོན་ཞེས་བྱའི་ངོ་སྤྲོད
156a2 དོ།། ཡང་ནི་གནས་ཁང་གྲུ་བའི་ཕྱོགས་ནི་ཕྱེད་པ་རུ། ཤར་ལ་སོགས་པར་ཕྱོགས་བཞིའི་སྐར་ཁུང་དབུས་ཀྱི་མཐོངས་དང་བཅས།། རང་འདོད་ལྷ་ཡི་ཡི་དམ་གཟུགས་བརྙན་ལེགས་བྲིས་ལ།། ལོགས་ལ་བྲིས་ལ་གྲང་གི
156a3 དབུས་སུ་དམར་པོའི་ཆུ། བཙོད་ཆུས་ཟངས་བཀང་།། འོད་དང་ལྡན་པའི་རྫས་རྣམས་བཀྲམ་ནས་ནི།། དེ་ཡི་འོད་རྣམས་རང་འདོད་ལྷ་དེ་དག་གི་འོད་ཟང་ཀ་ལ་ཕོག་པར་བྱས་ལ། དང་སྦྱར། ཟང་ཀ་དེ་ཉིད་བལྟ་ཞིང་བློ་ལ་གོམས
156a4 པར་བྱ།། དེ་ལྟར་བྱས་ན་རྟག་ཏུ་ལྷ་དང་མཉམ་པར་གནས།། མེ་ཏོག་སྣོད་བཀང་འཁར་ཕོར་འོ་མས་བཀང་དེའི་ནང་དུ་མེ་ཏོག་དཀར་དམར། རང་གི་མདུན་དུ་བཞག། གསལ་བྱེད་ལྡན་པའི་མིག་གིས་ཡང་བལྟས་ན།། ཚོམ་བུ
156a5 རྣམས་དང་རང་ངོ་འཕྲད་པ་ཡིན།། དེ་ཡི་ཕྱིར་ན་འདི་ལ་སུ་གོམས་པ།། བར་དོ་ལས་ནི་སྣང་བ་རང་ལོག་གོ། དེ་སྐད་ཅེས་བཀའ་སྩལ་པས།། གསང་བའི་བདག་པོ་ལ་སོགས་པའི་འཁོར་དེ་དག་རབ་ཏུ་དགའ་ནས།།
156a6 བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་ངོ་སྤྲོད་པའི་ཚིག་ཉི་ཤུ་རྩ་གཅིག་དེ་དག་རྣམས་གསུངས་པས། བདག་ཅག་རྣམས་ཡིད་རབ་ཏུ་དད་པར་གྱུར་ཏེ།། སེམས་ཀྱི་ནུས་པ་རྙེད་ལགས
iiif viewer powered by OpenSeadragon
