| e-texts navigator |
| Wylie |
155a1 མུན་པ་ནག་པོའི་སྒོ་མཐོངས་མེད་པ། ཁྱིམ་དག་ཏུ།། སྐྱེས་བུ་གོས་ཁ་དོག་ནག་པ་ནུས་པའི་རྒྱན་ལྡན་པ། བྱེད་ནས་རང་གིས་མདུན་དུ་གོང་བཞིན་བཞག་ནས་ནི།། གསལ་བྱེད་ལྡན་པའི་མིག་གིས་བལྟས་ན
155a2 ནི།། ཁྲོ་སྐུ་འཇིགས་པའི་གཟུགས་བརྙན་ནམ་མཁར་ནི།། འགྲོ་དང་འོང་དང་སྟབས་དང་བཅས་པ་མཐོང་།། ལོངས་སྤྱོད་ཁྲོ་བོའི་སྐུ་ཡི་ངོ་བསྟན་པས།། རིག་པ་ཉིད་ནི་གཞོན་ནུ་ཁྲོ་གཉེར་ཅན།། དཔའ་བོ་ཉིད་ནི
155a3 སྟོབས་དང་ལྡན་པར་བསྟན། ཁང་པ་བྱེད་ཕྲག་ཏུ་སྐྱེས་བུ་རྒྱན་དང་ལྡན་པ་ལྟེ་བ་མན་ཆད་མི་མངོན་པར་བྱས་ལ། ཕྱེད་སྣང་མཚམས་འདུག་སྟེ། གསལ་བྱེད་ལྡན་པས་མིག་ལ་གཅིག་བཙུམས་པས་བལྟས་ལ། གོང་བཞིན་བལྟས་པ
155a4 ན།། སེམས་དཔའ་ཉིད་ཀྱི་བཞུགས་ཚུལ་ངོ་འཕྲོད་ནས།། སྐུ་ཕྱེད་བསྟན་པས་འདྲ་འབག་ཉིད་ལ་སྤྲད།། ཤེལ་ལས་བྱས་པའི་ལུགས་སྐུ་ཕྱག་གང་པ།། རྣལ་འབྱོར་ལྡན་པའི་གཡོན་པས་བཟུང་ནས་ནི།། གསལ་བྱེད
155a5 ལྡན་པས་ཡང་ནི་དེ་བལྟས་ན།། ཤིན་ཏུ་འོད་དང་ལྡན་པའི་སྐུ་མཐོང་བར།། སྐུ་ཕྱེད་ཉིད་དེས་སེམས་དཔའི་རང་ངོ་སྤྲད།། གསལ་བྱེད་སྣང་བ་མཉམ་སྦྱོར་སྐུ་ཞེས་བྱ།། སྐལ་ལྡན་རང་དང་གཞན། གཉིས་ཀ་རྒྱན་གྱིས
155a6 རབ་བརྒྱན་ཏེ།། གསལ་བྱེད་ཤེལ་རེ་རེ་ལྡན་པའི་མིག་གིས་ཕན་ཚུན་བལྟ།། ཡབ་དང་ཡུམ་གྱི་ངོ་བསྟན་ཡེ་ཤེས་བཟུང་།། མཉམ་ཉིད་ཁ་སྦྱོར་དགོངས་པ་ཞེས་བྱའོ།། དེ་དག་གཉིས་ཀྱི་བར་དུ་དེ་མིན་པའི་སྐྱེས་བུ་རྒྱན
iiif viewer powered by OpenSeadragon
