| e-texts navigator |
| Wylie |
150b1 བསྒྱུར་བར་རིག་པ་སེམས་དང་བྲལ་བའི་ཕྱིར། བཀའ་སྩལ་ཏོ།། དེ་ཡང་ཐུགས་ཀྱིས་མ་དགོངས་པར་བྱིན་གྱིས་རླབས་ཀྱིས་རིགས་བཞིའི་སེམས་དཔའ་རྣམས་ལ་བཀའ་སྩལ་ཏོ།། དེ་ནས་ཡང་རིགས་ཀྱི་སེམས་དཔའ་དེ
150b2 རྣམས་ཀྱིས། སྐུ་མངོན་པར་སྣང་བ་མཐོང་བའོ།། གསུང་གིས་བཀའ་སྩལ་པས་ཚིག་གིས་དོན་མཚོན་པའི་ཕྱིར། རང་གི་དོན་རྙེད་པ་ཡང་ཚོར་རོ།། ཐུགས་ཀྱིས་དགོངས་ཏེ་སེམས་ཅན་རྣམས་ལ་བཀའ་བསྒོ་བ་མཛད་པ
150b3 ཡང་ཐོས་སོ།། སྟོན་པའི་སྐུ་མངོན་པར་སྣང་བ་མཐོང་ངོ་།། རང་རང་གི་དོན་ཡང་ཐུགས་སུ་ཆུད་དོ།། སེམས་ཅན་རྣམས་ལ་ཡང་སྤྲུལ་པའི་སྐུ་བྱེ་བས་འགྲོ་བའི་དོན་བྱེད་པ་ཡང་མཐོང་ངོ་།། དེ་བཞིན་གཤེགས་པ་དེའི
150b4 སྐུ་ནི་བཞེངས་པ་དང་བཞུགས་པ་མི་མངའ་འོ།། འགྲོ་འོང་མེད་པར་དུས་ཐམས་ཅད་པར་བཞུགས་པའི་ཡེ་ཤེས་རང་ལུགས་སུ་ཤར་བའོ།། དེ་ཅིའི་ཕྱིར་ཞེ་ན་དེ་བཞིན་བཤེགས་པ་ལ་སྐུ་དངོས་པོ་མེད་པའི་ཕྱིར་རོ།། དེ་བཞིན་གཤེགས
150b5 པའི་གསུང་ལ་བསྒྱུར་བ་དང་མ་བསྐུར་བ་མི་མངའ་འོ།། དེ་ཅིའི་ཕྱིར་ཞེ་ན་དེ་བཞིན་གཤེགས་པའི་གསུང་སྟོང་པའི་ཕྱིར་རོ།། དེ་བཞིན་གཤེགས་པའི་ཐུགས་ལ་དགོངས་པ་མི་མངའ་འོ།། དེ་ཅིའི་ཕྱིར་ཞེ་ན་དེ་བཞིན
150b6 གཤེགས་པའི་ཐུགས་ལ་རྟོག་པ་མེད་པའི་ཕྱིར་རོ།། དེའི་ཕྱིར་ན་སྐུ་ཡིས་མ་བྱོན།། གསུང་གིས་མ་བསྒྱུར། ཐུགས་ཀྱིས་མ་དགོངས་པའོ།། དོན་དེ་ལྟ་བུ་ནི་གཞན་ནས་མི་འབྱུང་བར་རང་ལས་བྱུང་ངོ་།། དེ་ཅིའི་ཕྱིར་ན
iiif viewer powered by OpenSeadragon
