| e-texts navigator |
| Wylie |
149b1 བསྒྲིབས་ན་རང་བྱུང་བདེ་བ་མེད།། འཛིན་མེད་འོད་ཀྱི་རིག་པ་ནམ་མཁའི་མཐོངས་ན་གསལ།། དེ་ལ་འཛིན་པ་མེད་པར་བཞག་ན་སྣང་བ་ལྷུག་པར་འཆར།། ཉིན་མཚན་མེད་པར་སྣང་བ་དེ་དང་འགྲོགས།། རྟག་ཏུ
149b2 དེ་ལ་འདྲིས་ན་སངས་རྒྱས་དགོངས་པའི་མཆོག། མ་དག་འཁྲུལ་པའི་སྣང་བས་དག་པ་ཡེ་ཤེས་སྣང་བ་བསྒྲིབ།། འཁྲུལ་པའི་སྣང་བ་འདི་འགགས་མ་ཟག་ཏུ།། འགགས་ན་དག་པའི་སྣང་བ་འཆར།། བག་ཆགས་སྦུབས
149b3 ཀྱིས་ཡེ་ཤེས་སྒྱུ་ལུས་བསྒྲིབ།། ལུས་འདི་བོར་ནས་འོད་ཀྱི་སྣང་བ་འཆར།། དེ་ལ་གནས་ན་རིན་ཆེན་སྦུབས་ལ་མཐར་ཕྱིན་འགྱུར།། སྦུབས་གསུམ་གཅིག་ཏུ་འདྲིལ་ནས་སྤྲུལ་པ་ཕྱོགས་བཅུར་འགྱེད།། རྟོགས་པ་རྒྱུད
149b4 ལ་སྐྱེས་པའི་གང་ཟག་རྣམས་ལ་སྣང་བ་འདི་ལ་འཆར།། དེ་ཡང་ཅིག་ཆར་མ་ཡིན་རིམ་གྱིས་འཆར།། སྣང་སྲིད་ཐམས་ཅད་པར་སྣང་ལ་འོད་ཀྱི་གཞལ་ཡས་ཁང་།། རྒྱལ་བའི་དཀྱིལ་འཁོར་འོད་ཟེར་ཟླུམ་པོར
149b5 གནས།། མགོན་པོ་དྲི་མེད་སྐུ་ལ་ཡེ་ཤེས་ཉི་མ་ལྔར་སྣང་ཞིང་།། ཉི་མ་རེ་རེའི་འོད་ཀྱིས་འོད་ལ་ཟེར་བྱུང་། སྟོང་གསུམ་འཇིག་རྟེན་གང་།། དཔེར་ན་ཉི་མའི་འོད་ཀྱིས་འཛམ་གླིང་ཁྱབ་པ་བཞིན།། ཡེ་ཤེས་འོད་ཀྱིས་འགྲོ་བ
149b6 ཡོངས་ལ་ཁྱབ།། ཡེ་ཤེས་དོན་ལ་ཅིས་ཀྱང་བསྐྱོད་དུ་མེད།། རིག་པའི་དོན་ལ་དགག་བསྒྲུབ་ཡོངས་ཀྱིས་མེད།། དོན་དམ་ངང་ལ་སྣ་ཚོགས་ཅིར་ཡང་འཆར།། ཡེ་ཤེས་ངང་ལ་སྒྲོ་འདོགས་ཆོས་རིག་པའི་ཀུན
iiif viewer powered by OpenSeadragon
