| e-texts navigator |
| Wylie |
149a1 ས་ལ་ངེས་པར་གནས།། མ་བཀོད་དཀྱིལ་འཁོར་གསལ་འགྲིབ་མེད་པར་ཕྱོགས་བཅུ་ཡོངས་ལ་གནས།། རྣམ་དག་སྟོང་པའི་མཁའ་ལ་འོད་གསལ་ཡེ་ཤེས་འོད་ཟེར་འཕྲོ།། དེ་ཡང་ཁ་དོག་དཀར
149a2 དམར་མ་འདྲེས་ཚུལ་གྱིས་འགྲོ་བ་ཡོངས་ལ་གསལ།། བདེ་གཤེགས་སྙིང་པོ་དོན་དམ་དབྱེར་མེད་ངང་ལས་ཆོ་འཕྲུལ་སྣ་ཚོགས་འབྱུང་།། ཨཿདོན་གྱི་སྙིང་པོ་ངོ་མཚར་གྱི་སྒོ་ནས་བསྟན་པ་ཀྱེ་མ་གསང་བ་རིན་ཆེན་འོད་གསལ
149a3 ཀུན་ལ་ཁྱབ། ཁྱབ་པ་དཔེ་མེད་དོན་དམ་རང་བཞིན་དཀྱིལ་འཁོར་ཆེ།། ཨེ་མ་ཧོ།། རྣམ་དག་ཀློང་ནས་ནོར་བུ་རིན་ཆེན་ལྔ།། ཕྱག་རྒྱ་མ་བསྒྱུར་མཆོད་པ་མ་ཕུལ་རང་བྱུང་རྫོགས།། ཡེ་ཤེས་རྣམ་དག་བརྡལ་བའི
149a4 གཞལ་ཡས་ཁང་མཛེས་ན།། མ་བསྐྱེད་རྫོགས་པའི་ཚུལ་དུ་སྐུ་ལྔ་མདུན་རྒྱབ་མེད།། ཡབ་ཡུམ་ཁ་སྦྱོར་ཚུལ་དུ་འོད་ཟེར་ཕྱོགས་བཅུར་འཕྲོ།། ཡི་གེ་དྲུག་པའི་འཁོར་ལོ་རང་བྱུང་གཉིས་མེད་ཚུལ་གྱིས་འཕྲོ།། སྤྲོ་བསྡུ
149a5 མ་བྱས་རང་བྱུང་རང་རིག་འཕྲོ།། རྟག་པ་མི་འགྱུར་རྡོ་རྗེའི་དོན་ལ་རྣམ་དག་འོད་གསལ་སྐུ།། གསལ་ཡང་འཛིན་པ་མེད་པས་ཕྱོགས་བཅུར་གང་བར་འཕྲོ།། དམིགས་པའི་ཡུལ་མེད་འཛིན་པའི་མཐའ་ལས
149a6 གྲོལ།། དག་པའི་ཡེ་ཤེས་ཚིག་ཆོད་རྣམ་པར་དག། འཛིན་མེད་རང་སྣང་རྒྱ་ཆད་ཕྱོགས་ལྷུང་མེད།། རྟོག་པ་མེད་པས་རང་བྱུང་དབྱིངས་ན་གསལ།། འཛིན་པས་མི་བསྒྲིབ་ཡེ་ཤེས་སྣང་བ་འཆར།། འཛིན་པས
iiif viewer powered by OpenSeadragon
