| e-texts navigator |
| Wylie |
147b1 གེ་མོ་ཁྱ་ཧེ། ཨ་ད་མ་ཀོ་ཤ་ཙཀྲ་པ་ལོ་ཀི་དེ་སྟོང་། ཏད་ཡ་བྱ་ཉ་པྲ་བར་དུས་སྟན་ཀ་ཧི། ཡང་བྱུང་། པ་ལ་སྟོང་པ་ལོངས་སྤྱོད་རྫོགས་པའི་སྒྲ། མཉམ་པ་ཉིད་ཀྱི་ཡེ་ཤེས་ཀྱི་དོན་ཚིག་ལས་འདས་པའི་དོན་སྐུར་གསལ་བའི་འོད་ཀྱིས་ཁྱབ་པ་ཆ་གང་ཡང་རག་མ་ལུས་པའོ།། ལམ་ལ་གསུམ
147b2 སྟེ་སྟོང་པ་ཡེ་ཤེས་ཀྱི་ལམ་དང་། གསལ་བ་འོད་ཀྱི་ལམ་དང་། མི་འགྱུར་བ་རིག་པའི་སྟོང་ལམ་མོ།། སྟོང་པ་ཡེ་ཤེས་ཀྱི་ལམ་ནི། བྱང་ཆུབ་ལམ་གྱི་སྒྲོན་མ། གསལ་བ་འོད་ཀྱི་ལམ་ནི། ཡེ་ཤེས་ཀྱི་སྒྲ་ལུས། མི་འགྱུར་བ་རིག་པའི་ལམ་ནི། རིན་པོ་ཆེའི་ལུས་ཏེ་དེ་གསུམ་ཡང་དབྱིངས་ཀྱི
147b3 ང་དུ་རོ་གཅིག་པ་སྟེ་ཆོས་ཉིད་མཉམ་པ་ལས་མ་འདས་པའོ།། !མཾ་གཾ་ཧ་ས་ཧཱུཾ་སྒྲའི་ཐིམ་ལུགས། མ་ལ་མ་ལ་དྷ་ཐིམ་དྷ་ཐིམ། རང་གི་རིག་པ་མཉམ་ཉིད་དག་པའི་སྐུར་རྟོགས་པ་དེ་ཡང་སྟོང་པ་རང་བྱུང་གི་ཡེ་ཤེས་ཀྱིས་ཁྱབ་པར་རྟོགས་པ། དེ་ཡང་རང་གི་དངོས་པོའི་ས་ལ་ཡོངས
147b4 སུ་མྱ་ངན་ལས་འདས་པའི་རྟོགས་པ། སྐུ་གསུམ་འདུ་འབྲལ་མེད་པའི་དོན་རྟོགས་པ། ཆོས་ཐམས་ཅད་མཉམ་པ་ཉིད་དུ་གཉིས་སུ་མེད་པར་རྟོགས་པའོ།། དེ་ལས་ཐུགས་རྗེ་འགག་པ་མེད་པར་ཉི་མའི་ཟེར་ལྟ་བུར་ཤར་བས་སྟོང་པའི་དོན་ལས་མི་འདའ་བའི་ཡེ་ཤེས་རང་ས་ཟིན་ནོ། ཨ
147b5 དྷ་ཐིམ་ཨ་དྷ་ཐིམ། ཞེས་དོན་གྱི་སྙིང་པོའི་ཡི་གེ་བསྒྲགས་སོ།། ཡང་དག་པར་རྫོགས་འཚང་རྒྱ་བའི་ཐབས་ཡི་གེ་དྲུག་གི་སྒྲ་ལ་བསྡུས་ཏེ་བསྟན་པའོ།། དེ་ནས་ཡང་པདྨའི་རིག་ཀྱི་སེམས་དཔའ་རྣམས་ཀྱིས་རང་རང་གི
147b6 དོན་ཐུགས་སུ་ཆུད་དོ།། ཞེས་ཀུན་ཏུ་བཟང་པོ་ཐུགས་ཀྱི་མེ་ལོང་གི་རྒྱུད་ཆེན་པོ་ལས། གོལ་སྒྲིབ་ལ་བཟླ་བའི་ལེའུ་སྟེ་གསུམ་པའོ།། །། དེ་ནས་ཡང་ལས་ཀྱི་སེམས་དཔའ་རྣམས་ཀྱིས་འདི་སྐད་ཅེས
iiif viewer powered by OpenSeadragon
