| e-texts navigator |
| Wylie |
13b1 ཡི།། རིང་བསྲེལ་ཉིད་ནི་ཕྲ་མོ་སྟེ།། ཏིལ་གྱི་འབྲུ་དང་རྡུལ་ཆ་ཙམ།། འདི་ནི་འབྱུང་བས་བཤིག་པར་ནུས།། འདི་ནི་སྤྲུལ་པའི་ཞིང་ཁམས་སོ།། གདུང་ནི་སུས་ཀྱང་འཇིག་མི་ནུས། སྲ་མཁྲེགས་འཇིགས་པ་ཀུན་བྲལ
13b2 བ།། འདི་ཀུན་འཇིགས་མེད་སངས་རྒྱས་ཐོབ།། གདུང་གི་གནས་ནི་གོང་བཞིན་བཤད།། སེམས་ཅན་རྣམས་ལ་ཡེ་ཉིད་ནས།། རང་བཞག་ཆེན་པོའི་གཞི་ལ་གནས།། སྨིན་དང་མ་སྨིན་ཁྱད་པར་ལས། མངོན་དུ
13b3 འབྱུང་དང་བག་ལ་ཞ།། དེ་བཞིན་སྐུ་ནི་མགོ་ལས་སོ།། ཡང་ན་སྐལ་པའི་ཚིགས་མཚམས་ནས།། རིང་བསྲེལ་ཉིད་ནི་ཚིགས་པར་རམ།། ཡང་ན་ཤ་དང་པགས་པའི་བར།། འདི་ཀུན་ལས་ནི་བསྐྱེད་ཅིང་འབྱུང་།། འོད
13b4 ལ་རྣམ་པ་གསུམ་ཡིན་ནོ།། མུ་ཁྱུད་འཁོར་ཡུག་བཅས་པར་ནི།། གང་གི་ཤུལ་དུ་འབྱུང་བ་ན།། འདི་ནི་བར་དོ་དང་པོ་ལ།། ངེས་པ་ཡི་ནི་འབྲས་བུ་ཐོབ།། གལ་ཏེ་གྱེན་ལ་འགྲེངས་པ་ནི།། འདི་ནི་བར་དོ་མི་སྣང
13b5 བར།། སྐད་ཅིག་ལ་ནི་སངས་རྒྱས་དང་།། འོད་ནི་རྩིབས་ལ་སྣང་འགྱུར་ན།། འདི་ནི་བར་དོ་ཐ་མ་ལ།། མངོན་པར་བྱང་ཆུབ་ཉིད་རྙེད་དོ།། དེ་ལྟར་འོད་ཀྱི་དཀྱིལ་འཁོར་དུ།། གང་གིས་བྱང་ཆུབ་རྙེད་པའི་མི།། འདི
13b6 ནི་སྐལ་ལྡན་སེམས་ཅན་གྱིས།། སྤྲུལ་པ་ཡི་ནི་ཕྱོགས་བཅུ་རུ།། སེམས་ཅན་དོན་ཡང་རང་བཞིན་དུ།། འདི་ཡིས་བྱེད་དོ་མཁའ་འགྲོ་མ།། རྣལ་འབྱོར་ལྡན་པ་དེ་བཞིན་ནོ།། གང་དུ་གནས་པའི་གནས་ཁང་གི། ཤར་གྱི
iiif viewer powered by OpenSeadragon
