| e-texts navigator |
| Wylie |
13a1 དང་ཁ་དོག་ཉིད་དང་ཡང་།། དབྱིབས་ནི་ཇི་ལྟ་བུ་ཞིག་ལས།། དེ་བཞིན་ཆེ་ཆུང་རིམ་པ་ཡིས།། སོ་སོའི་རིགས་ཀྱི་གདུང་དུ་ཡང་།། འདི་ཀུན་ཇི་ལྟར་གྲོལ་བ་ལགས།། འདི་དག་བདག་ལ་བསྟན་དུ
13a2 གསོལ།། དེ་ནས་ཡང་ནི་བཀའ་སྩལ་པ།། ཀྱེ་མ་ཉོན་ཅིག་མཁའ་འགྲོ་མ།། ཤ་རཱི་རམ་ཞེས་དཀར་ལ་དངས།། སྣུམ་ལ་འདྲིལ་ཏེ་ཁ་དོག་གསལ།། སྲན་མ་ཡི་ནི་རྡོག་འབྲུ་ཙམ།། འདི་ནི་རུས་པའི་དངས་མ་ལ།། སྨིན
13a3 པས་འདྲིལ་བས་འབྱུང་བ་ཡིན།། ཐབས་ལྡན་དེ་ཡི་མགོ་ལས་འབྱུང་།། བ་རཱི་རམ་ཞེས་སྔོ་ལ་ནག། ཉུང་དཀར་གྱི་ནི་འབྲུ་ཙམ་པའམ།། ཡང་ན་སྲན་ཆུང་འབྲུ་ཙམ་མོ།། འདི་ནི་དྲོད་ཀྱི་དངས་མ་འདྲིལ།། དེ་ཡི་རྩིབས
13a4 མའི་གོ་མཚམས་ནས།། འབྱུང་བ་ཡིན་ནོ་མཁའ་འགྲོ་མ།། ཆུ་རཱི་རམ་ནི་ཁ་དོག་སེར།། ཉུང་འབྲུ་ཙམ་སྟེ་ཁྲག་ལའོ།། དེ་ནི་མཆིན་པའི་སྟེང་ནས་འབྱུང་། བསེ་རཱི་རམ་ནི་དམར་ལ་དངས།། ཆེ་ཆུང་ཚད་ནི་ཉུང་འབྲུ
13a5 ཙམ།། འདི་ནི་འབྱུང་བ་འདུས་ལས་འདྲིལ།། སྐལ་དང་ལྡན་པའི་མཁལ་མ་ལས།། འབྱུང་བ་ཡིན་ནོ་མཁའ་འགྲོ་མ།། ཉ་རཱི་རམ་ནི་ཨིནྡྲ་སྟེ།། ཉུང་འབྲུ་ཙམ་ལ་ཁ་དོག་གསལ།། ཤེས་པ་རྣམས་ཀྱི་དངས་མ
13a6 ལས།། འདི་ནི་གློ་བའི་སྟེང་ནས་འབྱུང་།། འདི་ཀུན་ཕྱི་དབྱིབས་ཟླུམ་ལ་འདྲིལ།། ཀུན་ཀྱང་གཏིང་གསལ་ཁ་དོག་ལྔ།། ཉུང་འབྲུ་ཙམ་མམ་སྲན་མ་ཙམ།། སྙིང་ལ་འབྱུང་ངོ་མཁའ་འགྲོ་མ།། འདི་དང་ཡང་ནི་འདྲ་བ
iiif viewer powered by OpenSeadragon
