| e-texts navigator |
| Wylie |
137a1 པའི་རང་བཞིན་ནི་འོད་སྒྲ་ནི་ཡེ་ཤེས་ཀློང་དུ་འདུས་པས་ཀུན་ཏུ་བཟང་པོའི་ལྟ་བའི་དོན་རྟོགས་པའོ།། དེ་ཡང་རིག་པ་དང་རིག་པ་ལས་བྱུང་བའི་ཡེ་ཤེས་སོ།། དེ་ཡང་རིག་པ་ནི་གཉིས་སྣང་གི་མཐའ་དང་བྲལ་བ་དུ་མ་ལས་འདས་པ་ཤེས་ཤིང་རིག་པའི་ངོ་བོ་ལས་མ
137a2 འདས་པ། དཇམ་ཐའ་མཐའ་དང་བྲལ་བ་སྟོང་པ་མ་ཤེས་ཀྱི་ཕྲེང་པོ་ཅན་ནོ།། རྒྱན་ཀུན་ཏུ་བཟང་པོ་དང་། རིག་པ་ལ་སྟོང་པས་བརྒྱན་པ། སྣང་པ་ལ་སེ་ཤེས་ཀྱིས་བརྒྱན་པ། མ་ཤེས་ལ་འོད་ཀྱིས་བཙུན་པ། འད་ལ་གསལ་བ་མ་འདྲེས་པས་བརྒྱན་པ། གསལ་བ་ལ་སྐྲ་གསུམ
137a3 དབྱེར་མེད་ཀྱིས་བརྒྱན་པའོ།། དེ་ཡང་སྒྲ་གསུམ་གྱི་ངོ་བོ་ལས་མ་འདས་པའོ།། སྟོན་པ་ཀུན་ཏུ་བཟང་པོ་དང་། འོག་མིན་གྱི་གནས་སུ་སྟོན་པའི་ཚུལ་དུ་སྒྲ་སྤྲུལ་ནས་འགྲོ་བའི་དོན་ལ་མཐུན་པར་སྣང་ངོ་།། དེ་ཡང་སྒྲ་གསུམ་ལ་སྤྲུལ་པ་དང་། མ་སྤྲུལ་པ་མི་མངའ་སྟེ་སེམས་ཅན
137a4 རྣམས་ལ་དེ་བཞིན་དུ་སྣང་ངོ་།། རིག་པ་ཀུན་ཏུ་བཟང་པོ་དང་། མ་རིག་པ་ལས་གྲོལ་བའི་རིག་པ། སེམས་ལས་གྲོལ་བའི་སངས་རྒྱས། ཡིད་ལས་གྲོལ་བའི་ཆོས་སྒྲ། དབུགས་ལས་གྲོལ་བའི་ཡེ་ཤེས། འབྱུང་བ་ལས་གྲོལ་བའི་འོད་སྣང་། རིག་པ་སྤུའི་བདག་ཉིད། སྒྲ་ལས
137a5 བའི་ཡེ་ཤེས་མ་འགགས་པ། ཤེས་རབ་ཀྱི་བདག་ཉིད་དུ་གྱུར་པ། བསམ་པ་དང་བྲལ་བའི་རིག་པའོ།། རྟོགས་པ་ཀུན་ཏུ་བཟང་པོའོ།། རིག་པ་ཆོས་ཀྱི་སྐུ་སྐྱེ་བ་མེད་པར་རྟོགས་པ། རིག་པ་འོད་གསལ་དུ་གསལ་བ་ལོངས་སྤྱོད་རྫོགས་པའི་སྐུར་རྟོགས་པ། རིག་པ་ཅིར་ཡང
137a6 སྣང་དུ་སྤྲུལ་པའི་སྐུར་རྟོགས་པ། རིག་པ་ཐིག་ལེ་ཉག་གཅིག་གི་ངོ་བོ་སྐུ་གསུམ་འདུ་འབྲལ་མེད་པར་རྟོགས་པའོ།། རིགས་ཀྱི་བུ་སངས་རྒྱས་ཐམས་ཅད་ཀྱི་དགོངས་པ་ཕྱི་ནང་སྣོད་བཅུད་ཀྱི་ཆོས་ཐམས་ཅད་ཀུན་ཏུ་བཟང་པོ་ལྔའི་རང་བཞིན་དུ་ཤེས་པར
iiif viewer powered by OpenSeadragon
