| e-texts navigator |
| Wylie |
136b1 ན།། ཆོས་ཉིད་རྟོགས་པའི་ངང་དུ་རིག་པ་སྐྱེ་མེད་འདུས་པས་ཀུན།། རིག་པ་བྱར་མེད་ངང་དུ་ཆོས་སྐུ་འགག་མེད་འདུས་པས་ཀུན།། ཡེ་ཤེས་དངོས་མེད་དང་མཚན་མ་དང་བྲལ་བའི་ལ་རིག་པ་སྐྱེ་མེད་འདུས་པས
136b2 ཀུན།། རིག་པ་བྱང་ཆུབ་དང་ལ་སྣང་སྲིད་ཐམས་ཅད་འདུས་པས་ཀུན།། རིག་པ་ལྷུན་གྲུབ་དང་ལ་འབྲས་བུ་བྱར་མེད་དྲིལ་བས་ཏུ།། རིག་པ་སྟོང་པའི་ངང་ལས་ཡེ་ཤེས་གསལ་བས་བརྒྱན་པས་ཏུ།། གསལ་བ་འཛིན།
136b3 མེད་ངང་ལ་རིག་པ་རྟོག་མེད་བཞག་པས་ཏུ།། སྣང་སྟོང་དབྱེར་མེད་ངང་ལས་རིག་པ་ཀུན་བྲལ་བཞག་པས་ཏུ།། དཔེར་ན་རིན་ཆེན་གསེར་གླིང་ཕྱིན་པ་བཞིན།། ས་རྡོའི་བག་མེད་སྣང་བ་གསེར་དུ་འགྱུར།། དེ་བཞིན
136b4 ཀུན་ཏུ་བཟང་པོའི་དོན་རྟོགས་རྣམ་རྟོག་ཡེ་ཤེས་འགྱུར། ངང་ལས་མ་གཡོས་པའི་རིག་པ།། ཀུན་བཟང་ངང་ལ་གཡོས་པ་མེད་པས་བཟང་།། མཉམ་ཉིད་ངང་ལ་བཟང་ངན་མེད་པས་བཟང་།། དབྱེར་མེད་ངང་དུ་གཅིག་པས
136b5 བཟང་།། གཉིས་མེད་ཚུལ་དུ་གནས་པས་བཟང་།། དོན་དང་ལྡན་པ་ཀུན་བཟང་དབྱེ་བར་གསུངས།། དེ་ཡི་ཕྱིར་ན་རྒྱུད་ཆེན་ཨཱ་ལི་ཀ། ཀུན་བཟང་ངང་ནི་ཅིས་ཀྱང་བསྐྱོད་དུ་མེད།། འཁྲུལ་མེད་བྱང་ཆུབ་སེམས་ལ
136b6 ངེས་པར་གནས།། ཀྱེ་ཧོ་རིན་པོ་ཆེའི་སེམས་དཔའ་རྣམས་ཉོན་ཅིག། ཆོས་ཐམས་ཅད་ཀུན་ཏུ་བཟང་པོ་ལྔའི་རང་བཞིན་དུ་ཤེས་པར་བྱའོ།། དེ་ཡང་གང་ཞེ་ན་འདི་ལྟ་སྟེ།། རང་བཞིན་ཀུན་ཏུ་བཟང་པོ་དང་། རང་གི་རིག
iiif viewer powered by OpenSeadragon
