| e-texts navigator |
| Wylie |
131a1 དང་འོད་ཁྱིམ་གྱི་ཚུལ་དུ་ཤེས་དགོས། ང་མྱ་ངན་ལས་འདས་པའི་འོག་ཏུ། མ་འོངས་པའི་སེམས་ཅན་རྣམས་ལ། བག་ཆགས་ཀྱི་སྐབས་འབོར་བ་ཤེས་དགོས། དེ་བཞིན་དུ་སྟོན་ཅིག། བྱང་ཆུབ་ལམ་གྱི་སྒྲོན་མ་ངོ་ཤེས་པར་གྱིས
131a2 ཤིག། ཆོས་ཐམས་ཅད་བརྗོད་པ་དང་བྲལ་ཚིག་དང་ཡི་གེས་མཚོན་པ་མེད། པའི་ངང་དུ་བསྡུས་ཤིག། རྒྱུད་ཐམས་ཅད་ཡི་གེ་མེད་པ་ཆེན་པོའི་རང་གི་རིག་པའི་རྒྱུད་ཆེན་པོར་རང་རིག་དེ་ཐ་སྙད་དང་བྲལ་བའི་འཛིན་པ་མེད་པ་སྒྲོལ
131a3 ཞིག། ལུང་ཐམས་ཅད་གཞན་གྱིས་སྟོན་མི་ནུས་བསྟན་དུ་མེད་པའི་རྩ་བའི་ལུང་རིག་པའི་ཡེ་ཤེས་ཆེན་པོར་སྐྱོལ་ཞིག། མན་ངག་ཐམས་ཅད་བརྗོད་གཞི་དང་བྲལ་བར་འདི་ལས་བཅོས་པ་མེད་པའི་དབྱིངས་སུ། སྒྲོལ་ཞིག། བསྒྲུབ
131a4 པ་ཐམས་ཅད་རྩོལ་བསྒྲུབ་མེད་ཅིང་ཡོད་ན་བྱ་བྱེད་དུ་འགྲོ། བྱ་བྱེད་དང་བྲལ་བར་སྒྲོལ་ཞིག། སྤྱོད་པ་ཐམས་ཅད་མ་བཅོས་པའི་མཆོག་ཆེན་པོ་དང་ལྡན་པར་སྒྲོལ་ཞིག། བསྒོམ་པ་ཐམས་ཅད་གསལ་འགྲིབ་འཛིན་པ་མེད་པར
131a5 སྒྲོལ་ཞིག། བསྒོམས་པས་སངས་མི་རྒྱ་བསྒོམ་དུ་མེད་པའི་ཕྱིར་རོ།། ལྟ་བ་ཐམས་ཅད་ཟང་ཐལ་ཅིར་ཡང་མ་ཆགས་པར་སྒྲོལ་ཞིག་འབྲས་བུ་ཐམས་ཅད་ཡེ་ཤེས་ཚིག་ཆོད་ཆེན་པོར་སྒྲོལ་ཞིག་རྟོག་པ་སྐད་ཅིག་མ་ལས་གྲུབ་པས་མཐོང་རྟོགས
131a6 དུས་མཚུངས་ཀྱི་གདམས་ངག། དེ་རྣམས་ཐམས་ཅད་མི་གནས་པའི་ཀློང་དུ་དྲི་ལ་ཞིག། འདུ་འབྲལ་མེད་པའི་དབྱིངས་སུ་གཅིག་དང་དུ་མ་མེད་པ། འཁོར་བའི་བྱ་བ་ཐམས་ཅད་ཐོང་ཞིག། གཅིག་པུར་དལ་བར་གནས་པ། ཡེ་ཤེས་ཀྱི་སྣང་བ་ལ་ངོ
iiif viewer powered by OpenSeadragon
