| e-texts navigator |
| Wylie |
12b1 ལྷག་མའི་ཟག་བཅས་ཀྱི།། ཕུང་པོ་རྗེས་ཤུལ་བསྲེགས་སྦྱངས་པས།། དེ་ལ་སྐུ་ནི་རྣམ་གཉིས་ཏེ།། ཞི་བའི་སྐུ་དང་ཁྲོ་བོའི་སྐུ།། རྣམ་པ་གཉིས་ཀྱི་གཟུགས་སུ་ཡང་།། སུ་ཞིག་རྣལ་འབྱོར་ལྡན་པ་ལ།། འདི་གཉིས
12b2 གཟུགས་ཀྱི་རྣམ་པ་ཡང་།། གལ་ཏེ་གཉིས་ཀ་བྱུང་བ་ན།། འདི་ནི་བར་དོ་མེད་པར་ཡང་།། ངོ་བོ་ཀ་དག་ཆེན་པོ་ཡི།། གདེང་དང་ལྡན་པར་འདི་འགྱུར་རོ།། ཞི་བའི་སྐུ་ཡི་རྟགས་བྱུང་ན།། ཞག་ནི་ལྔ་ཡིས་བདེན་མཐོང
12b3 སྟེ།། དེ་ཡང་སངས་རྒྱས་ཉིད་ཐིམ་མོ།། གལ་ཏེ་ཁྲོ་བོའི་སྐུ་བྱུང་ན།། འདི་ནི་ཆོས་ཉིད་བར་དོ་ལ།། སྐད་ཅིག་ཉིད་ནི་ཆ་ལྔ་ལས།། གྲོལ་བར་འགྱུར་རོ་མཁའ་འགྲོ་མ།། སྐྱེས་མཆོག་མྱ་ངན་འདས་པ་ལ།། སངས་རྒྱས
12b4 ཀུན་གྱི་གདུང་ཡང་འབྱུང་།། སངས་རྒྱས་རིགས་ཀྱི་ཁྱད་པར་ལས།། གདུང་གི་རིགས་ཀྱང་ལྔ་ལྔར་འབྱུང་།། ཤ་རཱི་རམ་ནི་བདེ་གཤེགས་གདུང་།། དེ་བཞིན་བ་རཱི་རམ་ཞེས་ནི།། རྡོ་རྗེ་རིགས་ཀྱི་གདུང་ཡིན་ནོ།། ཆུ་རཱི
12b5 རམ་ནི་རིན་པོ་ཆེ།། བསེ་རཱི་རམ་ནི་པདྨའོ།། དེ་བཞིན་ཉ་རཱི་རམ་ཞེས་བྱ།། ལས་ཀྱི་རིགས་ཀྱི་གདུང་ཡིན་ནོ།། ཐབས་ལྡན་མྱང་ངན་འདས་པ་ཡི།། ལུས་ལ་འདི་ཀུན་འབྱུང་བ་སྟེ།། སོ་སོའི་རིགས་ཀྱི་གདུང་བྱུང
12b6 ན།། ཆོས་ཉིད་བར་མ་དོ་ལ་ཡང་།། རང་རང་རིགས་ཀྱིས་སངས་རྒྱས་ཀྱི།། སྐུ་ནི་མཐོང་ནས་གྲོལ་བའོ།། ཤེས་རབ་འཁོར་གྱིས་ཡང་གསོལ་བ།། ཀྱེ་ཀྱེ་སྟོན་པ་རྡོ་རྗེ་འཆང་།། གདུང་གི་རྣམ་པ་དེ་ཀུན་ལ།། རྟགས
iiif viewer powered by OpenSeadragon
