| e-texts navigator |
| Wylie |
12a1 པའོ།། ཐུགས་ནི་སྔོན་དུ་བཏང་ནས་ནི།། མཁའ་འགྲོ་གསལ་ཡིད་འབར་མ་ལ།། བོས་ཏེ་འདི་སྐད་བཀའ་སྩལ་ཏོ།། ཀྱེ་མ་མཁའ་འགྲོ་བདེ་བ་འབྱིན།། ཅི་ལྟར་ཁྱོད་ཀྱིས་འདོད་པའི་ཚིག། ང་ཡིས་སྤྲོ
12a2 ཡིས་ང་ལ་ཉོན།། ང་ནི་ཡེ་ནས་འཁྲུལ་མེད་པས།། འཁྲུལ་མེད་སེམས་ལས་བྱུང་བའི་ཚིག། ཁྱོད་ཀྱིས་འཁྲུལ་པ་མེད་པར་ཟུང་།། སྐྱེས་བུ་བློ་རྩལ་རབ་ཉིད་ནི།། འཁྲུལ་པའི་སྣང་བ་འདི་ཉིད་ལ།། འབྱུང་བ་རང་གི
12a3 སར་དེངས་ནས།། ངོ་བོ་ཉིད་ཀྱི་འབྲས་བུ་ལ།། ཟག་བཅས་ཕུང་པོ་མི་སྡང་བར།། འབྲས་བུ་རང་སངས་ཉིད་དུ་འགྱུར།། འདི་ལྟར་ཕྱི་ཡི་རྟགས་རྣམས་ཏེ།། གང་དག་མྱ་ངན་ལས་འདས་ནས།། དེ་ལ་སྐུ་དང་གདུང
12a4 དང་ནི།། དེ་བཞིན་འོད་དང་སྒྲ་ཉིད་དང་།། ས་ནི་གཡོ་བར་འགྱུར་བའོ།། ནམ་མཁའ་ཆར་དང་ཁུ་རླངས་དང་།། འདི་ལྟར་རྟགས་ནི་ཕྱི་ནས་འབྱུང་།། དེ་ནས་མཁའ་འགྲོ་གསལ་བྱེད་ཀྱིས།། སྟོན་པ་ལ་ནི་འདི་སྐད
12a5 ཞུས།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རིགས་ལྡན་མྱ་ངན་འདས་པའི་རྟགས།། སྐུ་ཞེས་བགྱི་བ་ཅི་ལྟ་བུ།། དེ་བཞིན་གདུང་ནི་རྣམ་པ་ཅི།། འོད་ཅེས་བགྱི་བ་གང་ལ་གསུངས།། དེ་བཞིན་སྒྲ་ཞེས་ཇི་ལྟ་བུ།། ས་ནི
12a6 ལྟར་གཡོ་བ་ལགས།། དེ་བཞིན་ཆར་དང་ཁུ་རླངས་ཅི།། འདི་ཀུན་བདག་ལ་གསུང་དུ་གསོལ།། དེ་ནས་སྟོན་པས་ཡང་གསུངས་པ།། མཁའ་འགྲོ་གསལ་ཡིད་འབར་མ་ཉོན།། རིགས་ལྡན་མྱ་ངན་འདས་པ་ལ།། དེ་ཡི
iiif viewer powered by OpenSeadragon
