| e-texts navigator |
| Wylie |
127b1 གཞག་གོ། ལམ་གྱི་ཉེར་གཞག་གང་ཞེ་ན།། འཛིན་མེད་རྣམ་དག་ཐིག་ལེ་དང་།། ས་དང་ལམ་གྱི་ཐིག་ལེའོ།། དེ་ནི་ལམ་གྱི་ཉེར་གཞག་གོ། འབྲས་བུའི་ཐིག་ལེ་གང་ཞེ་ན།། རྣམ་སྨིན་བར་ཆད་སེལ་བའི་ཐིག་ལེ
127b2 དང་།། མུན་པ་སེལ་བའི་ཐིག་ལེ་དང་།། སྣང་བ་བཟློག་པའི་ཐིག་ལེ་དང་།། རབ་བམ་རྩེ་མོར་གྱུར་པའི་ཐིག་ལེ་དང་།། འོད་ལྔ་མ་འདྲེས་གསལ་བའི་ཐིག་ལེ་དང་།། སྐུ་བདུན་ལྷུན་གྱིས་གྲུབ་པའི་ཐིག་ལེའོ།། དེ
127b3 ལྟར་ཐིག་ལེ་ལྔ་དང་སྐུ་ལྔ་དག་ཏུ་སྦྱོར།། དེ་ལྟར་བཅུ་ཕྱེ་ཡབ་ཡུམ་བཅུ་དང་སྦྱར།། དེ་ལས་ཡེ་ཤེས་འབྱུང་བ་གང་ཞེ་ན།། དེ་ཡང་ལྔ་ལྔར་ཤེས་པར་བྱ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་ཞུ
127b4 བ་ཞུས་པ། ཨེ་མ་ཧོ།། ཐུགས་རྗེ་ཆེན་པོ་དང་ལྡན་པ། དེའི་དབྱེ་བ་རྣམ་གསུམ་གསུང་དུ་གསོལ། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ། ཨེ་མ་ཧོ།། གསང་བའི་བདག་པོ་ཉོན།། ཡེ་ཤེས་རྣམ་པ་ལྔ་ཡང་ལྔ
127b5 ལྔ་སྟེ།། ཡེ་ཤེས་ཉི་ཤུ་རྩ་ལྔར་ཤེས་པར་གྱིས་ཤིག། དེ་ཡང་གང་ཞེ་ན། འདི་ལྟ་སྟེ། དབྱིངས་ཀྱི་ཡེ་ཤེས་དང་།། ཆོས་ཀྱི་དབྱིངས་ཀྱི་ཡེ་ཤེས་གཉིས། དབྱིངས་རྣམ་པར་དག་པའི་ཡེ་ཤེས་དང་། དབྱིངས་ཆེན་པོའི་ཡེ
127b6 ཤེས་དང་གཉིས། དབྱིངས་ཐམས་ཅད་གཉིས་སུ་མེད་པའི་ཡེ་ཤེས་དང་ལྔའོ།། མཱུ་ཆོས་ཅན་ཆོས་ཉིད།། མེ་ལོང་ལྟ་བུའི་ཡེ་ཤེས་དང་།། མེ་ལོང་ཆེན་པོའི་ཡེ་ཤེས་གཉིས།། རྟོག་མེད་གསལ་བའི་ཡེ་ཤེས་དང་།། རྟོག་མེད
iiif viewer powered by OpenSeadragon
