| e-texts navigator |
| Wylie |
122b1 དོག་ལྗང་གུར་གསལ།། འཛིན་པའི་སྤྱོད་ཡུལ་མེད་པས་ཁ་དོག་ལྗང་གུར་གསལ།། དེ་ལས་འོད་འཕྲོས་འཇིག་རྟེན་གང་བར་འགྱུར།། ཀུན་ལ་དཀོན་པའི་ཡེ་ཤེས་འོད་མཆོག་འདི།། ཡེ་ཤེས་འོད་ཀྱིས་ནམ་མཁའ
122b2 ཁེངས་པར་མཐོང་།། དེ་ཡིས་སེམས་ཅན་རྣམས་ཀྱང་གྲོལ་བར་བྱེད།། ཅེས་རྒུད་ཆེན་པོ་གསང་བ་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ལས། སྒྲ་དང་ཡེ་ཤེས་ཀྱི་ལེའུ་སྟེ་ལྔ་པའོ།། །། དེ་ནས་ཡང
122b3 གསང་བའི་བདག་པོ་ཕྱག་ན་རྡོ་རྗེ་དེ་ཉིད་དུ་མངོན་པར་སྣང་བར་གྱུར་ནས། ཐུགས་རྗེ་ཆེན་པོ་དང་ལྡན་པ་དེ་ལ་འདི་སྐད་ཅེས་གསོལ་ཏོ།། ཀྱེ་མ་ཀློང་ཡངས་བཅོམ་ལྡན་ཐུགས་རྗེ་ཅན།། བྱང་ཆུབ་འབྱུང་བའི་གཏེར
122b4 ཆེན་གསུང་དུ་གསོལ།། ཞེས་ཞུ་བ་ཞུས་སོ།། སྟོབས་ཀྱི་བདག་པོས་བཀའ་སྩལ་པ།། ཀྱེ་མ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། རང་རིག་བྱང་ཆུབ་སེམས་ཀྱི་བདུད་རྩི་འདི།། དཔེར་ན་ལྷ
122b5 རྫས་ནོར་བུ་རིན་ཆེན་འདི།། གྲང་བའི་ཕྱོགས་སུ་བཞག་ན་དྲོ་བར་འགྱུར།། དྲོ་བའི་ཕྱོགས་སུ་བཞག་ན་བསིལ་བར་འགྱུར།། མུན་པའི་ཕྱོགས་སུ་བཞག་ན་སྣང་བར་འགྱུར།། དེ་བཞིན་རང་བྱུང་རིག་པ་འདི།། རྟོགས
122b6 པའི་དོན་དང་ལྡན་གྱུར་ན།། ཉོན་མོངས་ཡེ་ཤེས་གྲོགས་སུ་འགྱུར།། ཉོན་མོངས་སྐྱེས་ཀྱང་ཡེ་ཤེས་སྟོབས་སུ་གྱུར་ན་བསྒྲིབ་པ་མེད།། ཀྱེ་ཧོ་གསང་བའི་བདག་པོ་ངེས་པར་ཟུང་།། རང་ལས་བྱུང་བའི་བདུད
iiif viewer powered by OpenSeadragon
