| e-texts navigator |
| Wylie |
11a1 ནི།། འདི་ཀུན་ཡིན་པས་གྲོལ་བར་ཡང་།། འདི་ཉིད་ནུས་པ་མ་ཡིན་ཏེ།། འཁོར་བ་ཉིད་ལ་ཡུན་རིང་དུ།། མི་འདི་ཡང་ནི་གནས་པའོ།། ལུས་ངག་ཡིད་ཀྱི་རྟགས་ཀུན་ནི།། འགའ་ཙམ་བྱུང་བའི་སྐྱེས་བུ
11a2 ནི།། རྣམ་པར་གྲོལ་བ་མ་ཡིན་ཏེ།། འཇིག་རྟེན་ཐུན་མོང་དངོས་གྲུབ་དང་།། རིམ་གྱིས་ཉན་ཐོས་རང་སངས་རྒྱས།། འདི་ཀུན་གྱི་ནི་ས་ལ་ཡང་།། འདི་ཉིད་དེ་ཡི་ས་ལ་ཞུགས།། རྣམ་དག་ཆེན་པོའི་འབྲས་བུ
11a3 མེད།། རང་གི་སྣང་བ་བདེ་ལུགས་སུ།། འདི་ཡིས་ཟིན་པ་མ་ཡིན་ནོ།། དེ་ཕྱིར་རྣམ་པ་དང་བཅས་པའི།། སྣང་བ་ཉིད་ལ་སྤྱོད་པའོ།། གང་གི་ལུས་ངག་ལྡན་པ་ཡི།། རྟགས་ནི་རྫོགས་པའི་སྐྱེས་བུ་ནི།། མཉམ་པ་ཆེན
11a4 པོའི་ས་ལ་ཡང་།། འདི་ཀུན་འགྲོའོ་མཁའ་འགྲོ་མ།། དེ་ཕྱིར་དབྱིངས་རིག་བསྒོམ་པ་གཅེས།། དབྱིངས་དང་རིག་པ་སུས་གོམས་པ།། གོང་དུ་བཤད་པའི་རྟགས་དེ་རྣམས།། མི་མི་འདོད་ཀྱང་འོང་ངེས་པའོ་འབྱུང་ཉིད་ནི་མི
11a5 སྲིད་དོ།། ཞེས་སྐུ་གདུང་འབར་བའི་རྒྱུད་ལས། སྐལ་ལྡན་གྱི་སྐྱེས་བུ་རྣམས་ལ་ལུས་ངག་ཡིད་ཀྱི་རྟགས་དང་།། ད་ལྟ་ཅི་ལྟར་འབྱུང་བ་བསྟན་པའི་ལེའུ་སྟེ་གཉིས་པའོ།། ཏྲཏཱམྦ་ཧཱ་ཐ་ཐཿ།། དེ་ནས་རྡོ་རྗེ་རིགས་ཀྱི
11a6 ཡང་།། མཁའ་འགྲོ་མ་ནི་གསལ་བའི་ཡིད།། རབ་ཏུ་མི་འཇིགས་ཆེན་པོ་ཡི།། རྟགས་དང་ལྡན་པར་གྱུར་ནས་ནི།། རང་གིས་རང་གི་མིག་ཉིད་ཀྱང་།། སྔར་མ་ཕྱེས་པ་འདིར་ཕྱིས་རྟགས་བསྟན།། ཕྱེས་པས།། དང་ཞིང་མགུ
iiif viewer powered by OpenSeadragon
