| e-texts navigator |
| Wylie |
119b1 ཆེན་གསེར་དངུལ་དབྱིག་གིས་མཆོད། ཡོན་མ་ཕུལ་ན་དབང་མི་ཐོབ།། རྟ་དང་གླང་པོ་ལ་སོགས་དབུལ་བར་བྱའོ།། ཕ་མ་བུ་སྨད་བཅས་པ་དབུལ་བར་བྱ།། གསང་བའི་བདག་པོས་ཡང་ཞུས་པ།། ཀྱེ་ཀྱེ་བཅོམ་ལྡན་སྟོབས
119b2 ཀྱི་བདག། དབང་གི་བྱེ་བྲག་དེ་ལྟར་ན།། དམ་ཚིག་བྱེ་བྲག་གསུང་དུ་གསོལ།། རྡོ་རྗེ་འཆང་གིས་བཀའ་སྩལ་པ།། ཀྱེ་མ་གསང་བདག་ངེས་པར་ཡིད་ལ་ཟུང་།། དམ་ཚིག་བྱེ་བྲག་ས་མ་ཡ་འབུམ་སྡེ་ལས་བསམ་མི
119b3 ཁྱབ།། མདོར་བསྡུས་བསྲུང་མཚམས་དང་བཅས་བཤད་ཀྱིས་ལེགས་པར་ཡིད་ལ་ཟུང་།། རྡོ་རྗེ་ཐེག་པའི་དམ་ཚིག་ནི། ཕྱི་ནང་གསང་བ་མདོར་བསྡུས་པ། དཔེར་ན་ས་གཞི་ལྟ་བུའོ།། ཐམས་ཅད་འབྱུང་བར་བྱེད་ཅིང་གཞི་མའི་དམ
119b4 ཚིག་ཐམས་ཅད་ཀྱི་གཞི་མཆོག་ཏུ་འགྱུར།། དེ་ཡང་བསྲུང་ཐབས་བསམ་གྱིས་མི་ཁྱབ་དམ་ཚིག་རྣམས།། བསྲུང་རྒྱུ་མི་དམིགས་སྲུང་བྱེད་ཐབས་མཁས་སྤྱོད། དམ་ཚིག་མེད་ན་ས་གཞི་མེད་པ་དང་འདྲ་སྟེ་ས་གཞི་མེད་ན་སེམས་ཅན་གྱི་གསོས
119b5 ཀྱིཐོག་མི་སྐྱེ་བ་དང་འདྲ་བར་དམ་ཚིག་མེད་ན་ཆོས་བྱས་ཀྱང་འབྲས་བུ་མི་འབྱུང་ངོ་།། ཉམས་ན་མེ་བཞིན་ཐམས་ཅད་སྲེག་པར་བྱེད།། གསང་སྔགས་དོན་སྟོན་རྡོ་རྗེ་སློབ་དཔོན་ལ། ཐབས་དང་ལྡན་པ་དེ་ལ།། རིན་ཆེན་གསེར་ནི་རང་ལུས
119b6 ཙམ་ཞིག་ལ་སོགས་པའི་རྫས་དང་ཡོ་བྱད་ཕུལ་ཡང་དམྱལ་བར་འགྲོ་ངེས་སོ། ཕུལ་གྱུར་ཀྱང་།། དམ་ཚིག་འཆལ་བར་གྱུར་ན་གྲོགས་ཀྱི་དྲི་མས་གཉིས་ཀ་སྲེག་པ་བྱེད།། དཔེར་ན་མེ་བཞིན་དྲོ་བར་གྱུར་པ་ལ།། དེ་བཞིན་ཆུ་ཡིས་མེ
iiif viewer powered by OpenSeadragon
