| e-texts navigator |
| Wylie |
113b1 འཁྲུལ་སྣང་དག་སྣང་དུ་འཆར་རོ།། འཆར་སྒོ་གང་ནས་འཆར་ན། ནམ་མཁའི་མཐོངས་ཁུང་གི་སྒོ་ནས་འཆང་རོ།། དེ་ཡང་འཆར་ལུགས་གསུམ་དུ་འཆར་རོ།། སངས་རྒྱས་ཀྱི་ཞིང་ཁམས་རྣམ་པར་དག་པ་འཆར་བ
113b2 དང་། ཞིང་ཁམས་དེའི་ཐིག་ལེ་དང་ཐིག་ཕྲན་དུ་འཆར་བ་དང་། ཚོམ་བུ་ལྟར་འཆར་བའོ།། ཚོམ་བུ་ལ་གཉིས་ཏེ། ཞིང་ཁམས་ཀྱི་ཚོམ་བུར་འཆར་བ་དང་། སྐུའི་ཚོམ་བུ་འཆར་བའོ།། སྐུའི་ཚོམ་བུ་འཆར་བ་ལ་གསུམ
113b3 སྟེ། སྐུ་མང་ཉུང་ངུ་འཆར་བ་དང་། བཞུགས་ཚུལ་ཅི་ལྟར་བཞུགས་ནས་འཆར་བ་དང་། སྐུ་མདོག་ཅི་ལྟར་འཆར་བའོ།། ཞིང་ཁམས་ཚོམ་བུ་ནི་ལྔ་ལྡན་དུ་འཆར་རོ།། སྐུ་ཉུང་བར་འཆར་བ་ནི་རྣམ་སྣང་གཅིག་པུར་ཡང
113b4 འཆར་རོ།། འོད་དཔག་མེད་གཅིག་པུར་ཡང་འཆར་རོ།། རིགས་ལྔ་འགྲེའོ།། མང་བར་འཆར་བ་ནི། རིགས་ལྔ་དུས་གཅིག་ལ་ཡང་འཆར་རོ།། ཡུམ་ལྔ་སྟེ་བཅུ་རུ་ཡང་འཆར་རོ།། བཅུ་གཅིག་བཅོ་ལྔ་ལ་སོགས་པར
113b5 ཡང་འཆར་རོ།། བཞུགས་ཚུལ་ནི། ལོངས་སྐུ་ཁ་མིག་རྣ་བ་ཅན་མེ་ལོང་གི་གཟུགས་བརྙན་ལྟར་སྣང་ལ་རང་བཞིན་མེད་པ་ལ། ནམ་མཁའི་འཇའ་ཚོན་ལྟར་མ་འདྲེས་ཡོངས་སུ་རྫོགས་པས། མེ་ལོང་ལ་ཉི་མ་ཤར་བ
113b6 ལྟར་གསལ་ལ་རྟོག་པ་མེད་པ། གདན་ཁྲི་དང་། དབུ་རྒྱན་དང་། ཕྱག་མཚན་དོ་ཤལ་ཐམས་ཅད་ལྡན་པའི་སྐུ་མཉམ་པ་སྐྱིལ་ཀྲུང་དུ་བཞུགས་ནས་འཆར་རོ།། སྐུ་མདོག་ཏུ་འཆར་བ་ནི། རྣམ་སྣང་ཡང་མཐིང་ག་ཁོ
iiif viewer powered by OpenSeadragon
