| e-texts navigator |
| Wylie |
111a1 སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་རང་ཆས་སུ་ཡོད་དོ།། དེ་ཡང་ཏིལ་འབྲུ་ལ་མར་གྱིས་ཁྱབ་པ་བཞིན་དུ་གནས་སོ།། དེ་ཡང་རྟེན་ནི་གཟུགས་ཀྱི་ཕུང་པོ་ལ་བརྟེན་ནོ།། གནས
111a2 ནི་སྙིང་གི་དཀྱིལ་ན་གནས་ཏེ། དེ་ཡང་ཀུན་ཏུ་བཟང་པོ་གའུ་ཁ་སྦྱོར་གྱི་དགོངས་པ་ཞེས་བྱ་སྟེ། དཔེར་ན་བསེའི་གའུ་ཁ་སྦྱར་བ་བཞིན་དུ་གནས་པའི་ནང་ན་འོད་ཁ་དོག་ལྔའི་དཀྱིལ་ནས། ཞི་བའི་སྐུ་ཡུངས་འབྲུ་ཙམ
111a3 ལ་འོད་ཁྱིམ་གྱིས་ཚུལ་དུ་གནས་སོ།། དེ་ནི་རིག་པའི་གནས་སོ།། དཔེར་ན་བུམ་པའི་སྐུ་ལྟ་བུའོ།། དེ་ལས་བྱུང་བའི་ཡེ་ཤེས་ནི། གནས་པ་ཀླད་པའི་དུང་ཁང་གི་ནང་ན་གནས་སོ།། དེ་ཡང་ཁྲོ་བོའི་སྐུ་ཡུངས་འབྲུ་ཙམ
111a4 ལ་སྤྱན་ཕུལ་ཐག་ཙམ་དུ་གནས་སོ།། དེ་ཡང་འོད་ཟེར་གྱི་ཚུལ་དུ་གནས་སོ།། དེ་ལས་བྱུང་བའི་འོད་ནི་མེ་ལོང་གི་དཀྱིལ་འཁོར་ལྟར་གསལ་ལ་དངས་པའམ། དཔེར་ན་ཉའི་མིག་ལྟར་འོད་ཟེར་དུ་གནས་སོ།། དེ་དང
111a5 རིག་པའི་འབྲེལ་པ་ནི་སྙིང་གི་རྩེ་ནས་ཡར་ལ་རྩ་དར་དཀར་གྱི་སྣལ་མ་ཙམ་སྐལ་ཚིགས་ཀྱི་འདབ་ནས་ཡར་ཡོད་དེ། དེ་ནས་ལམ་དུ་ཕྱུང་ནས་མགོའི་ནང་དུ་འཇུག་གོ། རྩ་དེ་ཡང་རྩེའུ་ཆུང་གིས་གཡས་ནས་ཐོན་ནས
111a6 ཀླད་པ་དང་འབྲེལ་ལོ།། དེ་ཡང་རྣ་བའི་འདབ་གཡས་གཡོན་ནས་ཐོན་ནས་མིག་དང་འབྲེལ་ལོ།། དེ་ཡང་ནམ་མཁའ་ལ་མིག་བཟློག་སྟེ་རྩ་གཙུན་ན། ཡེ་ཤེས་ཀྱི་སྣང་བ་ཤར་ནས་ནམ་མཁའ་གང་བར་འགྱུར་རོ།། རྩའི
iiif viewer powered by OpenSeadragon
