| e-texts navigator |
| Wylie |
10b1 གསུམ།། སྤྲུལ་པ་ཉིད་དང་བཅས་པ་ཡང་།། ངོ་བོ་ཉིད་ལ་རང་ཐིམ་མོ།། ལུས་དང་ངག་གི་རྟགས་འཛོམ་ན།། འདི་ནི་བྱང་ཆུབ་སེམས་ཆེན་པོ།། སེམས་ཅན་འཛིན་པའི་སྙིང་རྗེ་ཅན།། འདི་ནི་སེམས་ཅན་འཛིན་པའི
10b2 ཕྱིར།། ལོ་ནི་བྱེ་བ་བརྒྱ་སྟོང་དུ།། མི་ཡི་ལུས་ནི་གཅིག་གིས་ཀྱང་།། འདི་དོན་རྫོགས་པར་བྱས་ནས་ནི།། སྐྱེས་གཉིས་བར་དུ་མི་འཇུག་པར།། མངོན་པར་རྫོགས་པར་འཚང་ཡང་རྒྱ།། ཡང་ན་སྐལ་ལྡན་སུ་ཞིག་ལ།།
10b3 ལུས་དང་སེམས་ཀྱི་རྟགས་ལྡན་པ།། འདི་ནི་འཇིག་རྟེན་མི་ཡུལ་དུ།། ཡུན་རིང་དག་ཏུ་མི་གནས་པར།། སྐྱེ་བ་མེད་པ་གོང་བཞིན་ནོ།། ངག་དང་སེམས་ཀྱི་རྟགས་ལྡན་ན།། འདི་ལྟར་ལྡན་ན་ལོ་བཅུ་ནས།། འབྱུང་བ
10b4 རང་སར་དེངས་ནས་ནི།། སྣང་བ་ཉིད་ནི་མི་སྣང་བར།། ཆོས་ཉིད་ཟད་པའི་སར་བསྐྱལ་ལོ།། གང་ལ་ལུས་ངག་སེམས་ཀྱི་རྟགས།། འདི་ལྟར་སྐྱེས་བུ་སྐལ་ལྡན་ལ།། སུ་ལ་འཛོམ་པའི་སྐལ་ལྡན་ལ།། འདི་ནས་ལོ་ནི
10b5 གཉིས་ནས་ཀྱང་།། འདི་ཡི་འབྱུང་བ་རང་དེངས་སུ།། འགྱུར་བ་འདི་ལ་ཐེ་ཚོམ་མེད།། འདི་ནི་སངས་རྒྱས་ཀུན་གྱི་ཡང་།། ལམ་དུ་སྣང་ངོ་ས་མ་ཡ།། འདི་ལྟར་རྫོགས་པའི་སྐྱེས་བུ་ཡིས།། ཅི་ལྟར་འདོད་པ་འབྱུང་སྲིད
10b6 ན།། དེ་ཀུན་ལ་ནི་འདིས་དབང་བསྒྱུར།། འདི་ལྟར་རྟགས་དང་མི་ལྡན་པར།། རང་སྣང་གདེངས་སུ་ཆུད་པར་ནི།། གང་གིས་ཁས་ནི་ལེན་པ་དེ།། ཡིད་དཔྱོད་རྣམས་ཀྱི་ལྟ་བ་དང་།། དེ་བཞིན་ཡིད་དཔྱོད་སྒོམ་པ
iiif viewer powered by OpenSeadragon
