| e-texts navigator |
| Wylie |
10a1 མཆོག། འདི་གསུམ་ལུས་མེད་པའི་ལས་ནི་འདི་བརྒལ་ནས།། རང་དལ་ཆེན་པོའི་ལུས་གྲུབ་པ་མེད་པས།། རང་གི་ངོ་བོ་ཡེ་སངས་སུ།། ཡེ་གནས་སྙིང་པོའི་དོན་དུ་འགྱུར།། དེ་ཕྱིར་འདིས་ནི་སྐྱེ་མེད་ཐོབ།།
10a2 སྐྱེ་བ་མེད་པའི་རྣལ་འབྱོར་དེ།། མི་གནས་སྟོང་པ་ཉིད་ལ་སྤྱོད།། སྟོང་པ་ཉིད་ཀྱི་རང་བཞིན་ལས།། མི་རྟོགས་བསམ་པའི་ཞེན་མི་སྣང་།། ངང་དུ་ཡེ་ནས་དེ་བཞིན་ནོ།། འདི་ལྟར་རྟོགས་པའི་སྐྱེས་བུ་ཡིས།། ཡོད་མེད
10a3 ཡོན་ཏན་ཕུན་སུམ་ཚོགས་པ་ལྔ་ལྟར་ཀྱང་། བསམ་མི་ཁྱབ།། གཅིག་པར་གནས་པའི་ཡེ་ཤེས་ནི།། རང་གི་རང་སྟོན་སྟོན་པ་ཆེ།། མ་བཀོད་ཡེ་གདངས་རང་གནས་ལ།། ཐབས་དང་ཤེས་རབ་རང་བཞིན་ལས།། སངས
10a4 རྒྱས་རིགས་ཀྱང་། ཉིད་ཀྱང་གཉིས་སུ་སྣང་།། འདི་ཀུན་དེ་ཡི་འཁོར་དུ་སྣང་།། གཞི་སྣང་རང་བཞིན་མེད་པ་ལས།། སྒྲ་བསམ་བརྗོད་མེད་ཆོས་སུ་སྣང་།། དུས་གསུམ་མཉམ་པ་ཉིད་དུ་ཡང་།། ཡེ་ནས་འདི་ཀུན་རང
10a5 གནས་པའོ།། གང་གིས་སྐྱེས་བུ་བློ་རྩལ་ཅན།། ལུས་ཀྱི་རྟགས་ནི་རྫོགས་པ་ན།། བར་མ་དོ་ཡི་ཆོས་ཉིད་ལས།། བདེན་པ་མཐོང་སྟེ་སངས་རྒྱས་པའོ།། སུ་ལ་ངག་གི་རྟགས་ཡོད་པ།། འདི་ནི་སྤྲུལ་པའི་ཞིང་ཁམས
10a6 སུ།། དབུགས་དབྱུང་སྐྱེ་བ་གཅིག་གིས་ཐོགས།། སེམས་ཀྱི་རྟགས་དང་གང་ལྡན་པ།། འདི་ནི་ཚེ་ཡི་འདུ་བྱེད་ཀྱིས།། སྐྱེ་བ་གཉིས་ཀྱི་བར་མེད་པར།། སྐར་མདའ་དག་ནི་ནམ་མཁའ་ལ།། རྒྱུག་པའི་ཚུལ་དུ་སྐད་ཅིག།
iiif viewer powered by OpenSeadragon
