| e-texts navigator |
| Wylie |
108a1 ཡོ་ག་གསུམ།། དེ་ཡང་ཡི་གེ་གསུམ་དུ་འདུས།། ཡི་གེ་གསུམ་པོ་གང་ཞེ་ན།། ཡི་གེ་ཧ་དང་ཧེ་དང་ནི།། ཀ་ལ་ཡང་དག་རྫོགས་པའོ།། ཀྲྀ་ཡའི་ཐེག་པའི་གྲུབ་མཐའ་ནི།། འཇུག་པའི་སྒོ་ནི་དག་པ
108a2 གསུམ།། ཁྲུས་དང་གཙང་སྒྲས་འཇུག་པ་ལ།། ལྷ་ཡི་དཀྱིལ་འཁོར་གསལ་བས་འཕགས།། ལྷ་སྤྱོད་གཉིས་མེད་ལྷ་དང་རྗེ་ཁོལ་བལྟ།། བསྲུང་བའི་དམ་ཚིག་གང་ཞེ་ན།། ལུང་གཅིག་ཆུ་ལ་མི་འཐུང་བསྲུང་།། རྟོགས
108a3 པའི་ལྟ་བ་གང་ཞེ་ན།། ལྷ་དང་བརྗོད་མེད་ཐིམ་པར་རྟོགས།། འབྲས་བུ་བཅུ་གཅིག་ཀུན་ཏུ་འོད་ཀྱི་ས་ལ་འགྱུར་མེད་གནས་པར་རྟོགས།། ཨུ་པ་ཡ་ནི་གང་ཞེ་ན།། སྤྱོད་པ་ཀྲི་ཡ་ལྟ་བུར་སྤྱོད།། ལྟ་བ་ཡོ་གར་བལྟ་བས
108a4 འཕགས།། དེ་ཕྱིར་གཉིས་མེད་རྒྱུད་ཀྱིས་ཐེག་པ་ཞེས་ཀྱང་གྲགས།། ཡོ་གའི་གྲུབ་མཐའ་གང་ཞེ་ན།། འཇུག་པའི་སྒོ་ནི་མངོན་པར་བྱང་ཆུབ་ལྔ།། རྟོགས་པའི་ལྟ་བ་ལྷ་དང་གཉིས་མེད་རྟོགས།། བསྲུང་བའི་དམ་ཚིག
108a5 གང་ཞེ་ན།། མ་ཁྲེལ་རྣམ་པ་གསུམ་པོ་བསྲུང་།། མ་ཁྲེལ་རྣམ་གསུམ་གང་ཞེ་ན།། སློབ་དཔོན་མཆེད་ཀྱིས་མ་ཁྲེལ་དང་།། ཡི་དམ་ལྷ་ཡིས་མ་ཁྲེལ་དང་།། རང་གི་སེམས་ཀྱིས་མ་ཁྲེལ་བའོ།། བྱང་ཆུབ་ལྔ་པོ་གང་ཞེ
108a6 ན།། གདན་གྱི་སྒོ་ནས་བྱང་ཆུབ་དང་།། སྐུ་ཡི་སྒོ་ནས་བྱང་ཆུབ་དང་།། གསུང་གི་སྒོ་ནས་བྱང་ཆུབ་དང་།། ཐུགས་ཀྱི་སྒོ་ནས་བྱང་ཆུབ་དང་།། བསྐྱེད་པའི་སྒོ་ནས་མངོན་པར་བྱང་ཆུབ་པའོ།། དེ་དང་འདུ་འབྲལ་མེད
iiif viewer powered by OpenSeadragon
