| e-texts navigator |
| Wylie |
102a1 དོ།། སྦྲུལ་སྐུའི་ཤེས་རབ་ལ་བརྗོད་དུ་མེད་དོ།། དེའི་ཕྱིར་སྐུ་གསུམ་ངང་ལ་རྫོགས་པའི་འབྲས་བུ་ཞེས་བྱའོ།། ཨེ་མ་ཧོ། རྡོ་རྗེ་སེམས་དཔའ་ཉིད་ལ་གསལ་འགྲིབ་མེད་ཀྱང་། སེམས་ཅན་ལ་འཁྲུལ
102a2 ལུགས་བསམ་གྱིས་མི་ཁྱབ་སྟེ། རིག་པ་ཉིད་ལ་འཁྲུལ་པ་ངང་གིས་ཡོད་པ་མ་ཡིན་ནོ།། འཁྲུལ་པ་མེད་ཀྱང་འཁྲུལ་བྱེད་མ་འགགས་པས། འཁྲུལ་པ་ལྟར་སྣང་བའོ།། གསང་བའི་དོན་ལ་ཆོས་མེད་ཀྱང་། སེམས་ཅན
102a3 གྱི་བློ་ལ་ཆོས་ལྟར་སྣང་བའོ།། རིག་པའི་ཡེ་ཤེས་ཉིད་ལ་འཁྲུལ་རྟོག་དུ་མར་སྣང་བས་ཆོས་ལ་སྤྱོད་ཅིང་ཆོས་ལྟར་སྣང་བའོ།། ཡང་དག་པའི་ཆོས་ཀྱི་སྐུའི་སྣང་བ་ཉིད་ལས་མ་གཡོས་བཞིན་དུ། ཆོས་ཀྱི་སྐུའི་ཡེ་ཤེས
102a4 ཀྱི་སྣང་བ་རྣམས། མཐའ་མ་འགགས་པའི་སྤྱོད་ཡུལ་དུ་མར་སྣང་བའོ།། ཡང་དག་པའི་ཆོས་ཀྱི་སྐུ་བསམ་པ་ལས་འདས་ཀྱང་། སེམས་ཅན་བློའི་དྲི་མ་བསམ་པ་དང་བཅས་པས། བསམ་པ་རང་ཀ་མར་སྤྱོད་ཅིང་།
102a5 བསམ་པའི་རྗེས་སུ་འབྲང་བའོ།། ཡང་དག་པའི་སྐུ་བསམ་པའི་དངོས་པོས་སྟོང་སྟེ། བྱ་བྱེད་ཀྱི་འཁྲུལ་པ་རང་དག་པའོ།། རིག་པའི་སྐུ་ཉིད་སེམས་ཅན་ལ་རང་ཆས་ཏེ། འབྱུང་བཞི་ཀུན་ལ་གནས་པས་ཀུན
102a6 ཏུ་སྤྱོད་དོ།། ཀུན་ཏུ་སྣང་ཞིང་ཀུན་ལ་གསལ་ཆ་མ་འགགས་པའོ།། ཀུན་ལ་མང་པོར་འཆར་ཞིང་། ད་ལྟར་དུ་འདུ་འབྲལ་མེད་པའོ།། འོད་ཁྱིམ་ཀྱི་ཚུལ་དུ་འཆར་ཞིང་སྣང་བ་མ་འགགས་པའོ།། ཀྱེ་མ་གསང་སྔགས་ཀྱི
iiif viewer powered by OpenSeadragon
