| e-texts navigator |
| Wylie |
101b1 ལས།། འདུ་འཕྲོའི་སྤྱོད་པ་བསམ་ཡས་སོ།། དེ་ནས་ཡང་སྣང་བའི་འཁོར་འབྱུང་བའི་ཡུམ་དང་བཅས་པས།། འདི་སྐད་ཅེས་གསོལ་ཏོ།། ཀྱེ་མ་གསང་བ་རིག་པའི་མངའ་བདག་ཆེན་པོ། བདག་ཅག་སྣང་བ་དམ་པའི
101b2 རིགས་རྣམས་ལ། ཡང་དག་པའི་ཡེ་ཤེས་གསང་བ་དམ་པ་རྣམས་གསུངས་ཤིག། ཡང་བཀའ་བསྩལ་པ།། རིག་པའི་སྣང་བ་ཆེན་པོ་འདི་ལ།། རེ་དོགས་བཅས་ན་མི་མཐོང་ངོ་།། སྤང་ཐོབ་བཅས་ན་མི་མཐོང
101b3 ངོངོ།། ཡིད་དུ་བཟུང་ན་མི་མཐོང་ངོ་།། དེའི་ཕྱིར་ན་ཡང་དག་པའི་ཆོས་ཉིད་ལ། རྩོལ་བསྒྲུབ་ཀྱིས་མཐའ་དང་བྲལ་བར་བསྟན་པའོ།། ཞེས་བཀྲ་ཤིས་མཛེས་ལྡན་ཆེན་པོ། དཔལ་ནམ་མཁའ་མེད་པའི་རྒྱུད་ཆེན་པོ
101b4 ལས། མཐའ་གསང་བའི་ལེའུ་སྟེ་བཞི་པའོ།། །། དེ་ནས་ཡང་རིག་པའི་སྣང་བ་དམ་པ་ཉིད། མ་བཞུགས་པའི་གདན་ལས་བཞེངས་ནས། རང་གི་སྣང་བ་ཆེན་པོ་འདི་སྨྲས་སོ།། ཀྱེ་སྣང་བ་ཆེན་པོ་འདུས་པའི
101b5 མཁོར་རྣམས་ཉོན་ཅིག། ཡང་དག་རྫོགས་པའི་སངས་རྒྱས་ཀྱི་ཡེ་ཤེས་ལ། གསལ་འགྲིབ་མེད་པར་ཟུང་ཞིག། སངས་རྒྱས་ཀྱི་སྐུ་ལ་ཆེ་ཆུང་མེད་པར་ཟུང་ཞིག། སངས་རྒྱས་ཀྱི་གསུང་ལ་བདེན་རྫུན་མེད་པར་ཟུང
101b6 ཞིག། སངས་རྒྱས་ཀྱི་ཐུགས་ལ་རྟོག་པ་མེད་ཅིང་དྲན་བྱེད་མེད་པར་ཟུང་ཞིག། ཀྱེ་རང་བཞིན་གྱི་སྣང་བ་བསམ་གྱིས་མི་ཁྱབ་སྟེ།། ཆོས་ཀྱི་སྐུའི་སྣང་བ་ལ་བསྒྲུབ་ཏུ་མེད་དོ།། ལོངས་སྐུའི་ཡེ་ཤེས་ལ་དཔག་ཏུ་མེད
iiif viewer powered by OpenSeadragon
