| e-texts navigator |
| Wylie |
101a1 དག་གཏེར་ཆེན་འདི་གསུངས་པས།། ཆོས་ཀྱི་སྐུ་དང་མཉམ་པར་སྦྱོར།། གསང་བ་རིག་པའི་སྐུར་བསྟན་པས།། ཀ་དག་ཉིད་དང་ལྷན་ཅིག་སྦྱོར།། སངས་རྒྱས་ཉིད་ཀྱི་ལྟ་སྟངས་ནི།། ཅོག་བཞག་བཞི
101a2 དང་ལྷན་ཅིག་སྦྱོར།། ཡང་གསང་ཐུགས་ཀྱི་མེ་ལོང་ནི།། སྒྲོན་མ་ཉིད་དང་ལྷན་ཅིག་སྦྱོར།། སངས་རྒྱས་སྐུ་ཡི་རྒྱན་ཉིད་དང་།། ཆེན་པོ་ལྔ་དང་ལྷན་ཅིག་སྦྱོར།། རང་བཞིན་ཉིད་ཀྱི་དབྱིངས་ཉིད་ལ།། རྟོག་པའི་རྒྱལ་པོ
101a3 བསམ་མི་ཁྱབ།། སྐུ་གསུམ་གསང་སྔགས་ཨ་ཉིད་ལས།། ཆོས་སྐུའི་ཐིག་ལེ་ཉག་གཅིག་ལ།། བྱ་བྱེད་མེད་པའི་སྐུ་ཉིད་ལས།། མཛེས་པའི་དཀྱིལ་འཁོར་བསམ་མི་ཁྱབ།། སངས་རྒྱས་ཀུན་གྱི་མེས་ཆེན་པོ།། སྐུ་དང
101a4 ཡེ་ཤེས་འགག་མེད་པས།། མཚོན་པའི་ཡི་གེ་ཚིག་ལས་འདས།། རིག་པའི་སྐུ་ལ་གཉིས་མེད་དོ།། སེམས་ཅན་བློ་ལ་བསམ་ཡས་ཤིང་།། དགོངས་པ་ཉག་གཅིག་རང་སངས་པས།། བསམ་པའི་ཡུལ་ལ་ལྟར་སྣང
101a5 ཞིང་།། ཐོག་མའི་མགོན་པོ་འོད་དཔག་མེད།། ཞིང་ཁམས་དག་པས་སྐུ་གསུམ་གསལ།། མགོན་པོ་དྲི་མེད་དག་པ་ལས།། འོད་སྣང་དག་པའི་ཁ་དོག་གསལ།། སྐུ་ཡི་སྣང་བ་ཆེན་པོ་ནི།། རང་བཞིན་སྣང་བ་མ
101a6 འགགས་པའོ།། གསང་སྔགས་བྱུང་ཚོར་མ་འགགས་པས།། མགོན་པོ་རྡོ་རྗེ་འོད་དཔག་མེད།། ཐོག་མའི་ལུས་ཀྱི་སྣང་བ་ལས།། འཁྲུལ་པའི་སྣང་བ་བསམ་ལས་འདས།། དཀྱིལ་འཁོར་ཆོས་ཉིད་བསམ་ཡས
iiif viewer powered by OpenSeadragon
