| e-texts navigator |
| Wylie |
100b1 རིག་པ་ཆོས་འབྱུང་ཤེས་རབ་གྱིས་བཀའ་སྩལ་པ། ཀྱེ་མ་ཉོན་ཅིག་ཡང་དག་གསང་བའི་ཡུམ། དོན་གྱི་ཐུགས་ཆེན་པོ་རྣམས། ཡང་དག་སངས་རྒྱས་མཐར་ཟུག་དང་། དགོངས་པའི་དོན་ལ་མཐར་ཟུག་དང་། ཡང
100b2 དག་ལྟ་བའི་མཐར་ཐུག་དང་། མཚན་མ་ཚིག་གི་མཐར་ཐུག་གོ། ཨེ་མ་ཧོ། ཡང་དག་མཐར་ཐུག་ངས་བཤད་ཀྱིས།། སྣང་བ་དམ་པའི་འཁོར་རྣམས་ཉོན།། སངས་རྒྱས་དགོངས་པ་མཐར་ཐུག་ནི།། རིག་པའི
100b3 བཞག་ཐབས་ཉིད་ལ་ཐུག། དགོངས་པའི་དོན་ལ་མཐར་ཐུག་ནི། དབྱིངས་ཀྱི་སྒྲོན་མ་ཉིད་ལ་ཐུག། ཡང་དག་ལྟ་བའི་མཐར་ཐུག་ནི།། ལུ་གུ་རྒྱུད་ཀྱི་སྐུ་ལ་ཐུག། མཚན་མ་ཚིག་གི་མཐར་ཐུག་ནི།། རང་ཤར་ཆེན་པོའི
100b4 རྒྱུད་ལ་ཐུག། རྒྱུད་རྣམས་ཀུན་གྱི་མཐར་ཐུག་ནི།། སེང་གེ་རྩལ་རྫོགས་ཆེན་པོ་དང་།། ཡི་གེ་མེད་པའི་རྒྱུད་ལ་ཐུག། ལུང་རྣམས་ཀུན་གྱི་མཐར་ཐུག་ནི།། བདུད་རྩི་ཐལ་སྦྱོར་ལུང་ཆེན་དང་།། གསང་བ་དབང་རྫོགས
100b5 ལུང་ལ་ཟུག། ཡང་གསང་ཐུགས་ཀྱི་དཀྱིལ་འཁོར་ནས།། ནོར་བུ་དྲི་མ་མེད་པའི་སྒྲ།། ཡང་དག་མཐར་ཟུག་རྫོགས་པའོ།། ཀྱེ་མ་སྣང་མཛད་ཡུལ་གྱི་རྟོག་མེད་ནས།། གསང་སྔགས་བདག་པོ་ཨཱ་ལི་ཀ། ཆོས་ཀྱི་སྒྲ་ནི
100b6 གཉིས་མེད་པས།། སེམས་ཅན་བློ་ལ་བསམ་མི་ཁྱབ།། གསང་སྔགས་ངེས་དོན་བསྡུས་པ་ནི།། གསང་བ་བཅུ་བདུན་ཉིད་དུ་བསྟན།། ལྟ་བ་གསང་རྫོགས་ཆེན་པོ་ལས། གཉིས་མེད་དག་པའི་མཁའ་ཀློང་ལ།། ཡང
iiif viewer powered by OpenSeadragon
