| e-texts navigator |
| Wylie |
97a1 དང་།། སེམས་ཅན་ལྟ་བུའི་གཟུགས་མེད་དང་།། རྒྱབ་ནི་བྲག་ལ་གཏད་པ་དང་།། ལོགས་ན་ཤིང་ཏོག་སྣ་ཚོགས་འབར།། མདུན་ན་ནེའུ་སིང་ཆུ་བོ་འབབ།། ཡང་ན་ཚེ་ཟན་ལྟ་བུའི་གནས།། ར་རྒྱུད
97a2 རྣམས་ནི་མ་ཆད་པར།། བྱ་སྐད་སྣ་ཚོགས་སྒྲོགས་པའོ།། དེ་ལྟ་བུ་ཡི་གནས་དག་ཏུ།། དཀྱིལ་འཁོར་འདོམ་གང་གྲུ་བཞི་ལ།། ཛ་གད་ཕུད་ཀྱིས་ཆག་ཆག་གདབ།། དེ་ལྟ་བུ་ཡི་དཀྱིལ་འཁོར་ལ།། ཐིག་ནི་རབ་ཏུ་གདབ
97a3 པར་གསུངས།། ནུབ་ནས་ཤར་དུ་ཁ་བལྟ་ལ།། ཚངས་པའི་ཐིག་ནི་འགྱུར་མེད་གདབ།། དེ་ནས་ལྷོ་ནས་བྱང་དུའོ།། ཤར་ལྷོ་ནས་ནི་ནུབ་བྱང་དུ།། ལྷོ་ནུབ་ནས་ནི་བྱང་ཤར་དུ།། ལྷོ་ཡི་ཚངས་ཐིག་སྟེང་དག
97a4 ནས།། ནུབ་ཀྱི་ཚངས་ཐིག་སྟེང་དུའོ།། ཤར་ཉིད་ནས་ནི་ལྷོ་ཡི་སྟེང་།། བྱང་ཤར་དུ་ནི་སློབ་མས་གདབ།། ནུབ་ནས་བྱང་དུ་དེ་བཞིན་ནོ།། ནུབ་ནས་ཕྱེད་མར་གཉིས་པོ་ལ།། ཤར་ཕྱོགས་དག་ཏུ་ཟིངས་ཀྱི་གདབ།། ལྷོ
97a5 ནས་བྱང་དུ་དེ་བཞིན་ཤེས།། དེ་དག་ལ་ནི་གྲུབ་ལ་གཏུག། དེ་ནས་ཕྱེད་ཕྱེད་ནས་ནིའོ།། དེ་ལྟར་ཡེང་ནི་སྤྲས་ལ་འདྲ།། དེ་ལྟར་ཐིག་ཉིད་རབ་རྫོགས་བྱའོ།། དེ་ནས་ས་ཚོན་བྱིན་གྱི་བརླབ།། དཀྱིལ་འཁོར་དག
97a6 ལ་ཚོན་གྱིས་དགྱེ།། དབུས་ཀྱི་ཐིག་ནི་ཆ་གསུམ་ལ།། ཟླུམ་པོ་མུ་ཁྱུད་ལྗང་གུའོ།། ནང་དུ་གྲུ་གསུམ་མཐིང་ནག་མཛེས།། ཟླ་གམ་རྣམ་གསུམ་དབང་གི་ཚུལ།། ཚངས་ཐིག་ནས་བཙལ་བཞི་པ་ལ།། མུ་ཁྱུད་ཟླུམ་པོ
iiif viewer powered by OpenSeadragon
