| e-texts navigator |
| Wylie |
96b1 པས།། དབང་པོ་ལྔ་ཡི་དབང་ཐོབ་ནས།། དངོས་གྲུབ་སྣ་ཚོགས་འཐོབ་པར་ངེས།། དེ་ལྟར་ཕྱི་ཡི་དབང་རྫོགས་ནས།། ལོངས་སྤྱོད་ཐམས་ཅད་འཕེལ་བར་འགྱུར།། ཆོས་ཉིད་སྐུ་ཡང་བག་གིས་མཐོང་།། ཕུང་པོ
96b2 ལྔ་ལས་དབང་བསྐུར་བས།། ཡེ་ཤེས་ལྔ་ཉིད་རང་རྫོགས་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཞི་བ་བྱང་ཆུབ་སེམས་སུ་དབང་བསྐུར་བའི་ལེའུ་སྟེ་བཅུ་དྲུག་པའོ།། རྫོགས་སོ།། །
96b3 །། རྒྱ་གར་སྐད་དུ། སརྦ་ཨ་བོ་ཀྲོ་ཏ་སུ་ན་མ། བོད་སྐད་དུ། ཁྲོ་བོ་ཐམས་ཅད་རང་བཞིན་དུ་དབང་བསྐུར་བའི་ལུང་ཞེས་བྱ་བ། བཅོམ་ལྡན་འདས་པདྨ་དབང་གི་སྐུ་ལ་ཕྱག་འཚལ་ལོ།། དེ་ནས་བཅོམ་ལྡན
96b4 འདས་པདྨའི་རྒྱལ་པས་འདི་སྐད་ཅེས་གསུངས་སོ།། ཀྱེ་ཀྱེ་འདུས་པའི་ཚོགས་བཅས་ཉོན།། ཁྲོ་བོའི་དབང་བསྐུར་རྫོགས་བྱེད་ན།། མཆོད་པའི་གཞུང་རྣམས་རྫོགས་བྱས་ལ།། དཀྱིལ་འཁོར་ཉིད་དང་རྒྱན་ལྡན
96b5 ཕྱིར།། ཤིན་ཏུ་དབེན་པའི་ཉམས་དགའ་བར།། གནས་ཀྱི་མཚན་ཉིད་བརྟག་པར་བྱ།། གྲོང་རྡལ་ཟད་པའི་མཐའ་དག་དང་།། རྩི་ཤིང་ནགས་ཚལ་སྨིན་པའི་སར།། མེ་ཏོག་སྣ་ཚོགས་འཁྲུངས་པ་དང་།། ནུབ་ཕྱོགས
96b6 མཐོ་ལ་ཤར་ཉིད་གདེང་།། བྱང་ཉིད་སྦྱོར་བ་འདྲ་བ་དང་།། ལྷོ་ཕྱོགས་བརྡལ་བ་འདྲ་བའི་གནས།། བདག་ཉིད་མངོན་པའི་ཕྱོགས་དག་ཏུ།། གྲོགས་པོ་སལ་སུལ་མེད་པ་དང་།། ནུབ་ན་གཟུགས་པོ་མེད་པ
iiif viewer powered by OpenSeadragon
